De Born vun Gaius Julius Caesar wiesen.

{{Stubben}}[[Bild:César (13667960455).jpg|thumb|Dat [[Tusculum-Portrait]], unner Umstänn dat eenzigste Standbild, dat ut Caesar siene Leevtied nableven is]]
'''Gaius Iulius Caesar''' (Utspraak: ˈgaːjʊs ˈjuːlijʊs ˈkae̯sar), up [[Platt]]: '''Gaius Julius Cäsar''' (Utspraak:ˈt͡sɛːzaɐ̯); * [[13. Juli]]<ref>De offizielle Fier vun sien Geboortsdag is in den röömschen [[Fasti|Fest-Kalenner]] vun'n 13. up den 12. Juli verschaven wurrn, nadem Caesar  [[Apotheose|to'n Gott verklaart wurrn weer]], vunwegen, datt de Geboortsdag up den Hauptfierdag vun de ''ludi Apollinares'' liggen dö. En [[Orakel]] ut de [[Sibyllinsche Böker|Sibyllinschen Böker]] harr seggt, datt an den [[Olympsche Gödder|olympschen Gott]] [[Apollon]] sien Fest nich noch en annern Gott hulligt weern dröff ([[Cassius Dio]], ''Röömsche Geschichte'' 47, 18, 6). Vgl. unner annern [[Georg Wissowa]]: ''Religion und Kultus der Römer''. 1912/1971; [[Matthias Gelzer]]: ''Caesar. Der Politiker und Staatsmann''. Franz Steiner Verlag, Wiesbaden 1960; Stefan Weinstock: ''Divus Julius''. 1971/2004.</ref> [[100 v. Chr.]] in [[Rom]]; † [[15. Määrt]] [[44 v. Chr.]] in Rom) weer en [[Röömsch Riek|röömschen]] [[Staatsmann]], [[Feldherr]] un [[Schriever]]. He hett dor en groten Deel to bidragen, datt dat mit de [[Röömsche Republiek|Röömsche Republiek]] toenne gung un datt de denn later in en [[Röömsch Kaiserriek|Kaiserriek]] ummuddelt wurrn is. He höör to de [[Patrizier|patrizische]] Familie vun de [[Juliers]] to un hett den [[Cursus honorum]] (Ämter-Loopbahn) dör lopen, bit he in't Johr [[59 v. Chr.]] [[List vun de röömschen Kunseln|Kunsel]] wurrn is. Dor harr he en Bund mit den rieken [[Marcus Licinius Crassus]] un mit den groten Militär [[Gnaeus Pompeius Magnus]] for slaten. In de Johre achternah gung Caesar as [[Prokunsel]] in de nöördlichen Provinzen [[Illyrien]] un [[Gallia Cisalpina|Gallia Cis-]] un [[Gallia Transalpina|Transalpina]]. Vun dor ut hett he in de Johre [[58 v. Chr.|58]] bit [[51 v. Chr.]] ganz [[Gallien]] bit an den [[Rhien|Rhienstroom]] hen innahmen. In den Röömschen [[Borgerkrieg]] vun [[49 v. Chr.|49]] bit [[45 v. Chr.]] hett he sik gegen sien vörmoligen Bundsgenoten Pompeius un den siene Mackers dörsett un konn denn ganz alleen in Rom regeern. Nadem he to'n [[Röömschen Diktater]] up Leevtied verklaart wurrn weer, is he bi en Anslag gegen em umkamen. Sien Groot Broerssöhn un Hööft-Arven Gaius Octavianus (later [[Augustus|Kaiser Augustus]]) hett denn as nee Form vun den [[Staat]] endgüllig dat [[Prinzipat]] dörsetten konnt. 

De Tonaam ''Caesar'' is Bestanddeel vun den Titel vun all latere Herrschers vun dat röömsche Kaiserriek wurrn. In de röömsche [[Late Antike]] un in dat [[Byzantiensch Riek|Byzantiensche Riek]] is de [[Titel]] „Caesar“ de Beteeknung for en Mitherrscher oder Thronfolger ween. As [[Lehnwoort]] is he in de Formen [[Kaiser]] un [[Zar]] achternah ok to'n Titel vun de Herrschers vun dat [[Hillig Röömsch Riek|Hillge Röömsche Riek]] un vun de [[Kaiserdom Öösterriek|Öösterriekschen]], [[Düütsch Kaiserriek|Düütschen]], [[Bulgarien|Bulgaarschen]], [[Serbien|Serbschen]] un [[Zarenriek Russland|Russ’schen]] Kaisers wurrn. 

== Schriften ==
=== Warke, de hüdigendags noch heel un deel vorliggen doot ===

* ''[[De bello Gallico|Commentarii de bello Gallico]]''. (Over den Krieg in Gallien).<ref>Onlineutgaven: [http://www.perseus.tufts.edu/cgi-bin/ptext?doc=Perseus%3Atext%3A1999.02.0001 Latiensch–Engelsch] up perseus.tufts.edu, [[b:De bello gallico|Latiensch–Hoochdüütsch]] bi [[Wikibooks]].</ref>
* ''[[De Bello Civili|Commentarii de bello civili]]''. (Over den Borgerkrieg).<ref>Onlineutgave: [http://www.perseus.tufts.edu/cgi-bin/ptext?doc=Perseus%3Atext%3A1999.02.0076 Latiensch–Engelsch] up  perseus.tufts.edu.</ref>
Mit Caesar siene Commentarii tohopen sünd en poor Regen overleevert ([[Corpus Caesarianum]]), man de stammt nich vun Caesar:

* ''[[De bello Alexandrino]]''
* ''[[De bello Africo]]''
* ''De bello Hispaniensi''

=== Warke, wo dat hüdigendags bloß noch Deele vun gifft ===
[[File:Julii Caesaris quae exstant.tif|thumb|C. Iulii Caesaris quae extant, 1678]]

* Reden:
** ''Orationes in Cn. Cornelium Dolabellam''
** ''Suasio Legis Plautiae''
** ''Laudatio Iuliae amitae''
** ''Ad milites in Africa''
** ''Apud milites de commodis eorum''
** ''Pro Bithynis''
* ''De analogia ad M. Tullium Ciceronem''
* ''Anticatonis Libri II''
* ''Carmina et prolusiones''
* ''Epistulae ad Ciceronem''
* ''Epistulae ad familiares''

== Weblenken ==
{{Commons|Gaius Iulius Caesar}}
* [http://etext.virginia.edu/toc/modeng/public/CaeComm.html Texte vun Caesar up Engelsch]
* [http://www.zum.de/geo/rom/caesars_tod.pdf Caesar sien Dood (PDF; 2,1&nbsp;MB)]
* [http://en.citizendium.org/wiki/Gaius_Iulius_Caesar_%28name%29 Citizendium: Etymologie un Bedüden vun den Naam ''Gaius Iulius Caesar''] (engelsch)

==Belege==
<references/>{{Normdaten|TYP=p|GND=118518275|LCCN=n79021400|NDL=00435043|VIAF=286265178}}{{SORTIERUNG:Iulius Caesar, Gaius}}
[[Kategorie:Mann]]
[[Kategorie:Röömsch Riek]]
[[Kategorie:Feldherr]]
[[Kategorie:Politiker]]
[[Kategorie:Schriever]]
[[Kategorie:Boren in dat 1. Johrhunnert v. Chr.]]
[[Kategorie:Storven in dat 1. Johrhunnert v. Chr.]]