Sundsvall

Sundsvall is en Stadt in de sweedsche Provinz Västernorrlands Län un de histoorsche Provinz Medelpad. Butendem is Sundsvall Hööftoort vun de Gemeen Sundsvall. Enkelte Lüüd seggt dat Sundsvall de Hööftstadt vun Noordsweden (Norrland) is, wiel se de grötste Stadt in den Gebeet is. Sundsvall sülvst hett üm un bi 51.000 Inwahners, man mit den Dörpen un Oorten umto maakt dat meist 90.000 Lüüd.

Geographie

Sundsvall is en Habenstadt an'n Bottnischen Meerbusen, dat heet an de Oostsee. Se liggt nich wiet af vun de geograafschen Midde vun Sweden. De Stadt is mank twee Bargen, den Südbarg (Södra Berget, 240m), un den Noordbarg (Norra Berget, 141m). Vör de Stadt in de See liggt dat Eiland Alnön.