Stork
De Stork oder Aadboor, ok E(e)beer, is en groten Vagel mit enen langen lieken Snavel, hoge Benen un enen korten Steert. De witte Stork hett swarte Flunken; Been un Snavel sünd root. Bi't Flegen warrt de Hals wiet vörutstreckt. De mehrsten Störk sünd in Gegenden mit sumpige Wischen un Seen antodrapen, aver ok dar sünd se in de lesden Tieden tämlich roor wurrn. Nisten deit de Stork up Hüüs un Schünen, mennigmaal ok up Bööm. Sien Nest boot he ut Ries un Sprickwarks, leggt veer oder fief witte Eier, ut de de grieswitten Jungen utslüppt. Se warrt in'n Juli flügg un treckt in'n August mit de Olen na Afrika. De westdüütschen Störk fleegt över Süüd-Frankriek un Spanien, de oostdüütschen un baltischen över den Bosporus na den Nil un bit na Süüdafrika.
Stork, Äbeer, E(e)beer, Aadboor | ||||||||||
---|---|---|---|---|---|---|---|---|---|---|
![]() | ||||||||||
Systematik | ||||||||||
| ||||||||||
Wetenschoplich Naam | ||||||||||
Ciconia ciconia | ||||||||||
Linnaeus, 1758 |
![](http://upload.wikimedia.org/wikipedia/commons/thumb/7/75/Drei_St%C3%B6rche_auf_dem_Feld_in_Twiehausen.jpg/220px-Drei_St%C3%B6rche_auf_dem_Feld_in_Twiehausen.jpg)
De witte Stork warrt na dat Klappen mit sienen Snavel ok woll Klapperstork nöömt. Fröher wurr faken dat Märken vertellt, dat de Klapperstork de lütten Kinner bringt. Vandaag glöövt aver nüms mehr an so’n Hintjentüüg.
Plattdüütsche Naams
ännernFor den Ebeer gifft dat ’n grote Masse plattdüütsche Naams:
- Aadebar (Oostfreesland)
- Äbäär (Finkwarder)
- Aadboor
- Adebeer
- Aebär (Oostfr.)
- Ajewaar (Oostfr.)
- E(e)beer (Oorssen un Habenhusen)
- Haadbaa (Oostfr.)
- Knappendreger (Pommern)
- Obär (Oostfr.)
- Ohrbeer (Oostfr.)
- Ojewaar (Oostfr.)
- Oodbeer
- Ooijevaar (Oostfr.)
- Störk (Graafschop Bentheim, Oostfr.)
- Stoork (Oostfr.)
- Stoorke (Oostfr.)
- Stork (Graafschop un Ollenborger Mönsterland)
- Stürk (Oostfr.)
- Sturk (Ollenborger Mönsterland)
Wo de Naam Eebeer herkummt
ännernDe eerste Sülve "Ee" is afslepen vun ooldsassisch "Od" (Glück, Goot) un dat "beer" kummt von "beran" (bören). Odberan, de dat Glück böört. Oder eenfacher: Glücksbringer.
Kiek ok bi
ännern- List vun Vagels, mit allerhand plattdüütsche Vagelnaams un Naams ut de Naberspraken
- Projekt: Deerternaams up Platt