Rui Costa (Radsportler)
Rui Alberto Faria da Costa (* 5. Oktober 1986 in Póvoa de Varzim) is en portugiescher Radrennfohrer.
![](http://upload.wikimedia.org/wikipedia/commons/thumb/7/71/Rui_Alberto_Faria_Da_Costa%2C_Mendrisio_2009_-_Men_Elite.jpg/220px-Rui_Alberto_Faria_Da_Costa%2C_Mendrisio_2009_-_Men_Elite.jpg)
Rui Costa keem 2005 bi de Volta ao Portugal do Futuro in en Deelstreck up den darten Platz. 2006 keem he bi de Clássica de Guimarães up den tweeten Platz un bi den Prolog vun de Volta ao Portugal do Futuro wurr he Dart. Siet 2007 is Costa för dat portugiesche Professional Continental Team Benfica. In sien eerst Johr dor kunn he de Gesamtwertung vun den Giro delle Regione för sück entscheeden.
Nah de Teelankunft up de sösste Deelstreck bi de Tour de France 2010 hett sück Rui Costa en Utnannersetten mit den Spanier Carlos Barredo leefert. Barredo hett mit dat Vörderrad vun sien Rennrad up Costa inhaun, de hett hüm dat Rad afnommen un is mit Füüst up hüm daalgahn. Barredo weer doröver suur, dat Rui Costa sien Lenker up de letzt Kilometers beröhrt harr.
Rui Costa un sien Bröer Mário wurrn bi de portugiesch Meesterschapen positiv up Methylhexanamine test un dorup hen vun de WADA spaart. De Sparr is aber 2011 weer uphaben wurrn, wiel dat Middel af de Saison 2011 nich mehr up de List vun de verbooden Medikamente steiht. Rui Costa hett denn en neen Verdrag bi dat Movistar Team ünnerschreven.
Sien eersten grooten Spood harr he 2011, as he en Deelstreck vun de Tour de France winnen kunn. He harr aber ok all 2010 en Deelstreck vun de Tour de Suisse wunnen un weer ok Sieger vun dat Rennen Veer Daag vun Düünkarken 2009.
In dat Johr 2012 wunn he nich blots een Deelstreck sonnern ok de Gesamtwertung vun de Tour de Suisse.
Wat he schafft hett
ännern- 2007
- Gesamtwertung Giro delle Regione
- 2008
- een Deelstreck Giro delle Regione
- een Deelstreck Coupe des Nations Ville Saguenay
- 2009
- Gesamtwertung Veer Daag vun Düünkarken
- een Deelstreck Vuelta a Chihuahua
- 2010
- Trofeo Deià
- een Deelstreck Tour de Suisse
- Portugiesch Meester - Tietfohren
- 2011
- Gesamtwertung Vuelta a la Comunidad de Madrid
- Een Deelstreck Tour de France
- Grand Prix Cycliste de Montréal
- 2012
- 2. Deelstreck und Gesamtwertung Tour de Suisse
Teams
ännern- 2007 Benfica
- 2008 Benfica
- 2009 Caisse d'Epargne
- 2010 Caisse d'Epargne
- 2011 Movistar Team (af 01.04.)