Renaissance
De Renaissance is ene Tiet vun de Westliche Kultuurgeschicht, de na dat Middeloller keem. Disse Tied duur vun't 14e Johrhunnert bet't 16e Johrhunnert. Dornah geiht denn de Renaissance öber in dat Tietöller vun dat Barock. De Naam hett de Bedüden, dat hier Elementen vun de greekschen un röömschen Kulturen wedderkamen sünd. In Italien hett ener dat Rinascimento nöömt.
Kènnmerken
ännernIn de Renaissance weer de Humanismus ene belangrieke Weltanschauung. Vele Lüüt ut de gebillten Klassen harrn en gröter Utenannersetten mit de Kulturen vun’t ole Athen un Rom, ok mit de Philosophie, Literatur un Kunst. Renaissance is in de Wetenschap vun de Kunsthistorie ok en Kunststil, vun de vele italieensche Buwarken maakt sünd. In Düütschland sünd nich so vele Renaissancebuwarken; sünners in Noorddüütschland nich. In disse Tied full dat Enn vun de Hanse.
Warden un Utbreden
ännernDe Renaissance keem up in Italien, wo sik in disse Tiet belangrieke Staten herustellt harrn. In Italien weern ok Machiavelli, Dante Alighieri un anner beröhmte Persönlichkeiten an't Wark.
Van Italien ut drung de Renaissance in ganz West-Europa vör. Dat eerste Lann, wo de Renaissance henkeem, weer Frankriek. Leonardo da Vinci un anner Italieners mussen för franzöösche Königen warken. Vun hier keem de Renaissance ok na Düütschland un England. Ok in anner Rebeden, to’n Bispeel Süüdamerika weer denn de Renaissance.
Weblenken
ännern
- Fröhrenaissance (hoogdüütsch)
- Die Renaissance und die Kunst des 15. und 16. Jahrhunderts bi Arthistoricum.net (hoogdüütsch)
- Census of Antique Works of Art & Architecture Known in the Renaissance (engelsch)
- Vörlesung över de Fröhrenaissance in Italien (hoogdüütsch)
- Vörlesung över de Italieensche Hoochrenaissance un de Manierismus (hoogdüütsch)