Manfred Bettinger

Manfred Bettinger (* 1954 in Willen (hüüd en Stadtdeel vun Wittmund), as Manfred Hinrichs) is en düütsch Schauspeler, Schriever un Dramaturg.

Utbillen

Toeerst hett he en Utbillen as Bautekner in’t Deepbauwesen maakt un dorna en Fackabitur in de Fackricht Ingenieurwesen/Technik. 1974 bit 1978 hett he Grafik-Design an de Hoochschool för Gestaltung in Bremen studeert un nehm dorneben Schauspeelünnerricht.

Loopbahn

All 1977 weer he Schauspeler an dat Ernst-Waldau-Theater in Bremen. Dor bleev he bit 1982. Van 1980 bit 1982 hett he tosätzlich in den Karl Mahnke Theaterverlag in Veern arbeit. Hier fung he ok an in plattdüütsch to översetten. 1982 wurr he ünner sien Künstlernaam Manfred Bettinger denn fast Ensemble-Liddmaat an dat Ohnsorg-Theater in Hamborg. Dor weer he 1983 bit 1991 ok Regieassistent un van 2003 bit 2006 Dramaturg.

Intüschen hett he ok eenig Stücken för Freeluchtbühnen schreven aber ok plattdüütsch Stücken un Wiehnachtsmärken för dat Ohnsorg-Theater.

Weblenken

• Manfred (Hinrichs) Bettinger bi Spielstoff.de
• Manfred Bettinger up imdb.de