Harmsdaal
Wapen/Flagg | Koort | |
---|---|---|
| ||
Basisdaten | ||
Inwahners: | ||
Postleettall: | 21789 | |
Vörwahl: | 04778 | |
Geograafsche Laag: | Koordinaten:53° 44′ N, 9° 6′ O53° 44′ N, 9° 6′ O | |
Harmsdaal (hoochdüütsch Hermannsthal) is en lütten Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch von öllers to Voigtding.
Geografie
ännernDe Naveröörd sünd Hööftgroov in’n Noorden, Oostercaadwisch in’n Noordoosten, Ohrensflucht in’n Oosten, Ohrensfluchtermoor un Schinkel in’n Süden, Dobrook in’n Westen un Watermöhl in’n Noordwesten.
Historie
ännernDe Hoff Harmsdaal is von Harm von Issendörp († 1627) grünnt worrn un hett na em sien Naam kregen.[1] He harr de Buurn von Blankenföör afmeiert un de Hööv to en Good tohoopfaat. Dat Good is to de Tied nee anleggt worrn. In dat 18. Johrhunnert hett dat Good denn de Hambörger Koopmann Rudolph Michael Riedel köfft,[2] is later denn aver an de Familie Bremer övergahn.
In Harmsdaal hett en Gasthuus stahn. Nadem dat toletzt leddig stünn, is dat Gasthuus in’n Mai 2014 utbrennt.[3]
Verwaltungsgeschicht
ännernDe Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
An’n 1. Juni 1970 is de Gemeen Voigtding Deel von de Gemeen Wingst worrn.
Inwahnertall
ännernJohr | Inwahners |
---|---|
[4] | 17931 Füürsteed |
[5] | 18241 Füürsteed |
[6] | 184810 Lüüd, 2 Hüüs |
[7] | 1. Dezember 187126 Lüüd, 3 Hüüs |
Religion
ännernHarmsdaal is evangeelsch-luthersch präägt un höört to dat Kaspel von de Nicolai-Kark in Kumbarg.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
ännernVerkehr
ännernAn Harmsdaal langs löppt de Bundsstraat 73, de in’n Noordwesten na Kumbarg, Oterndörp un Cuxhoben geiht un in’n Süüdoosten över Hemmoor/Basbeek/Warstood un Himmelpoorten na Stood. In’n Westen geiht de Kreisstraat 23 över Dobrook na Wittenmoor un Ellerbrook. In’n Oosten geiht de Schinkelweg na Ohrensflucht un Braak.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 35 Kilometer in’n Noordwesten von Harmsdaal. De Opfohrt 2 Stood-Süüd von de Autobahn 26 (Afsnidd Stood–Hamborg) liggt jüstso wied in’n Süüdoosten.
De nächste Bahnhoff is so bi twee Kilometer wied weg in’n Noorden de Bahnhoff Wingst an de Nedderelvbahn.
Footnoten
ännern- ↑ Vergessene Wohnplätze im Kirchspiel. Geschichten und Originale aus Hadeln. Blankenförde und Imbeke (1. Teil), Hadeler Kurier von’n 27. März 2013
- ↑ Johann Hinrich Pratje: Vermischte historische Sammlungen. 1845, Sied 599
- ↑ Feuer zerstört ehemaliges Gasthaus, Cuxhavener Nachrichten von’n 25. Mai 2014
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 104: https://books.google.de/books?id=jN5QAAAAcAAJ&pg=RA1-PA104
- ↑ C. H. Jansen: Statistisches Handbuch des Königreichs Hannover. 1824, Sied 268: http://books.google.de/books?id=tG0AAAAAcAAJ&pg=PA268
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 136: http://books.google.de/books?id=eOI-AAAAcAAJ&pg=PA136
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 147: https://books.google.de/books?id=qTZDAQAAMAAJ&pg=RA2-PA147