Fennoskandinavien
Fennoskandinavien, ok Fennoskandien oder Fennoskandia is de Naam vun en Halfinsel in Noordeuropa, de sik tohopensetten deit ut Finnland (Fenno-) un de skandinaavsche Halfinsel (-scandia) mit Karelien un de Halfinsel Kola. In de Regionalgeologie warrt düt Rebeet ok Fennoskandinaaveschen Schild oder Balt’schen Schild nömmt. Dor weert denn avers de kaledoonsche Deel vun de Skandinaavschen Barge nich mit torekent.[1] De Begreep Fennoskandinavien is 1898 (annere Borns seggt: 1900)[2] vun den finnschen Geologen Wilhelm Ramsay inföhrt wurrn. So is dat Rebeet in siene geoloogsch-geographsche Eenheit tostanne kamen. Fennoskandinavien bedutt de Halfinsel, de dör Noord- un Oostsee un dör de Lien „Golf vun Finnland“ - Ladogameer - Onegameer - Witte See vun dat annere europääsche Fastland afgrenzt is.
![](http://upload.wikimedia.org/wikipedia/commons/thumb/3/34/Fennoscandia.jpg/220px-Fennoscandia.jpg)
Literatur
ännern- Hans Hausen: The History of Geology and Mineralogy in Finland 1828–1918. Helsinki 1968
- Olaf Holtedahl: Geology of Norway. Oslo 1960
- Wilhelm Ramsay: Fennoskandias ålder. In: Fennia. 40. 1917, Nr. 4, S. 1–21