Eirik Kvalfoss
Eirik Kvalfoss (* 25. Dezember 1959 in Voss) is en ehmalger norweegsch Biathlet. He gull bit in de 1990er Johren as best norweegsch Biathlet un weer en vun de spoodrieksten Athleten vun sien Tiet.
![](http://upload.wikimedia.org/wikipedia/commons/thumb/3/3c/Eirik_Kvalfoss_1986.jpg/220px-Eirik_Kvalfoss_1986.jpg)
1984 wunn he bi de Olympisch Spelen in Sarajevo dree Medaillen in dree Wettbewarfen: In' Sprint wunn he de Goldmedaille vör Peter Angerer un Matthias Jacob. Över 20 Kilometer wurr Angerer Olympiasieger, Frank-Peter Roetsch wunn de Sülvermedaille vör Kvalfoss. Mit de Staffel wunn Kvalfoss denn gemeensam mit sien Kollegen Odd Lirhus, Rolf Storsveen un Kjell Søbak de Sülvermedaille.
Kvalfoss weer dreemal Weltmeester. 1982 wunn he in' Sprint vör Frank Ullrich un Wladimir Alikin, dat Johr dorup noch mal vör Peter Angerer un den Öösterrieker Alfred Eder 1989 weer in Sprint vör Gisle Fenne un Fritz Fischer. All tosommen kunn he negen Eenzelmedaillen un mehrere Staffelmedaillen winnen. 1989 kunn he todem as eerst Nichtdüütsche den Biathlon-Gesamtweltcup för sück entscheeden.
1983 wunn he de Morgenbladet-Goldmedaille, 1984 de Wahl to'n Sportler vun dat Johr vun Norwegen as ok den Fearnleys olympiske ærespris.
Hüüt fördert Kvalfoss den natschonalen Nahwuss.
Weblenken
ännern- Eirik Kvalfoss in de Datenbank vun de IBU (engelsch)
- Eirik Kvalfoss in de Datenbank vun Sportsreference.com (engelsch)