Deinst

Deinst (hoochdüütsch Deinste) is een Gemeen in de Samtgemeen Freenbeek in’n Landkreis Stood. Se hett 2166 Inwahners (Stand 31. Dezember 2022). To de Gemeen höört de beide Öörd Deinst un Helmst, de gliek groot sünd.

Wapen/Flagg

Koort

Basisdaten

Bundsland: Neddersassen

Landkreis: Stood

Samtgemeen: Freenbeek

Flach:

27,25 km²

Inwahners:

2166 (31. Dezember 2022)

19 m över de See

21717

04149

Koordinaten:53° 32′ N, 9° 26′ O53° 32′ N, 9° 26′ O

Grenzen bi OSM:

445845

Gemeenslötel:

03 3 59 011

Öörd in de Gemeen:

2

Börgermeester:

vakant

Websteed:

www.fredenbeck.de

Koort

Kreis

Geografie

De Swing löppt so bi twee Kilometer in’n Noordwesten von Deinst langs. Dör Deinst sülvs löppt de Deinster Möhlenbeek, de in de Swing münnt.

De Naveröörd sünd Hagen in’n Noorden, Helmst in’n Oosten, Frankenmoor in’n Süden, Wehl in’n Süüdwesten, Freenbeek in’n Westen un Swing in’n Noordwesten.

Historie

De Oort kummt üm 900 as Tunstede toeerst in de Oorkunnen vör.

In’n Oort gifft dat de Deinster Möhl, en fröhere Watermöhl an’n Deinster Möhlenbeek. De Möhl keem 1235 toeerst in dat Lehnsregister von dat Klooster Corvey vör. To de Tied harr dat Georgsklooster in Stood de Möhl un tosätzlich en Fischtucht un en Broeree. Dat Möhlengood warrt siet 1634 von de Familie Steffens bedreven. Direkt bi de Möhl gifft dat vondaag en Golfplatz un verscheden gastronoomsche Bedrieven.

Verwaltungsgeschicht

In de Franzosentied hett Deinst von 1810 bet 1813 tohoop mit Hagen un Heidkroog to de Kommuun Hagen tohöört. Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.

De Gemeen Deinst hett in de Tied vör 1972 toletzt to de Samtgemeen Freenbeek tohöört. De is an’n 1. Juli 1972 oplööst worrn. In dat Johr is mit de Kommunalreform in Neddersassen de ne’e un gröttere Samtgemeen Freenbeek billt worrn, to de de Oort sietdem höört. An dissen Dag hebbt sik de olen Gemenen Deinst un Helmst to de ne’e Gemeen Deinst tohoopslaten.

Inwahnertall

Johr	Inwahners
1824-00-001824^[1]	17 Füürsteden
1848-00-001848^[2]	270 Lüüd, 41 Hüüs
1910-12-011. Dezember 1910^[3]	409
1933-00-001933^[4]	388
1939-00-001939^[4]	412

Religion

Deinst is evangeelsch-luthersch präägt un hett bet 1959 to dat Kaspel von de Primus-Kark in Bargst höört. Nu höört dat to de Martin-Luther-Kark in Freenbeek.

För de Kathoolschen is de Hillig-Geist-Kark in Stood tostännig.

Gemeenderoot

Sitten in’n Gemeenderaat
Johr	CDU	SPD	FWG-Pro Bürger
2006	7	6	-
2011^[5]	5	4	3

Börgermeester

1972-1996: Heinrich Klintworth (CDU)^[6]
1996–2006: Hans-Wilhelm Schmetjen (CDU)
2006-2011: Marianne Wiebusch (CDU)
2011-30. September 2013: Jochen Sturhan (SPD; unverwacht doodbleven)
29. Oktober 2013-: Jörg Müller (SPD)

Wapen

Dat Wapen in Guld wiest enen sülvernen Helm in en rood Veereck. In’n Schildfoot is en half Waterrad.

Kultur un wat to bekieken is

In’n Süüden sünd

Hünengrääver un de
Steenkamer von Deinst

In Deinst is dat Düütsche Feld- un Kleenbohnmuseum

Weertschop un Infrastruktur

De Kreisspoorkass Stood hett in Deinst in de Straat In’t Möhlenfeld 4 en Filiaal.

Verkehr

Deinst liggt an de Kreisstraat 1, de in’n Westen na Freenbeek löppt un in’n Oosten na Helmst un dor an de Landsstraat 124 anslaten is. Lüttjere Straten loopt in’n Noorden na Hagen un in’n Süden na Lusthoop, Frankenmoor un Ohrens.

Fröher harr Deinst en Bahnhoff an de Bahnlien Stood-Bremervöör. Vondaag sünd de nächsten Bahnhööv de Bahnhoff Brest-Aasp an de Bahnlien Bremervöör-Buxthu un de Bahnhööv Stood, Gothenborg un Dullern an de Nedderelvbahn.

Literatur

Reiner Klintworth: Deinste, ein Bahnhof wacht auf. 2013, ISBN 978-3-9808377-5-0

Footnoten

↑ C. H. Jansen: Statistisches Handbuch des Königreichs Hannover. 1824, Sied 128: http://books.google.de/books?id=tG0AAAAAcAAJ&pg=PA128
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
↑ http://www.gemeindeverzeichnis.de/gem1900/gem1900.htm?hannover/stade.htm
↑ ^a ^b http://www.verwaltungsgeschichte.de/stade.html
↑ http://www.fredenbeck.de/v3/upload/wahl/kw2011/deinste/00_sitze.html
↑ Stader Tageblatt: Heinrich Klintworth ist gestorben. 17. Juni 2013

Weblenken

Deinst. Mehr Biller, Videos oder Audiodateien to’t Thema gifft dat bi Wikimedia Commons.

Websteed von de Samtgemeen Freenbeek (hoochdüütsch)
Websteed von dat Düütsche Feld- un Kleenbohnmuseum (hoochdüütsch)

Städer un Gemenen in’n Landkreis Stood

[InwahnertallRef1-1] C. H. Jansen: Statistisches Handbuch des Königreichs Hannover. 1824, Sied 128: http://books.google.de/books?id=tG0AAAAAcAAJ&pg=PA128

[InwahnertallRef2-2] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134

[gemvz.de-3] ttps://www.gemeindeverzeichnis.de/gem1900/gem1900.htm?hannover/stade.htm

[verwg.de-4] ttps://www.verwaltungsgeschichte.de/stade.html

[5] ttps://www.fredenbeck.de/v3/upload/wahl/kw2011/deinste/00_sitze.html

[6] Stader Tageblatt: Heinrich Klintworth ist gestorben. 17. Juni 2013

[1]

[2]

[3]

[4]

[5]

[6]