D-Tox
D-Tox (op platt so veel as „Utgiften“; dt. Titel: D-Tox – Im Auge der Angst) is de Titel vun en US-amerikaansch-düütschen Thriller ut dat Johr 2002 vun den Speelbaas Jim Gillespie. De Hööftrull speel Silvester Stallone. Dat Dreihbook is na den Roman Jitter Joint vun Howard Swindle entstahn.
| Filmdaten | |
|---|---|
| Plattdüütsch Titel: | — |
| Originaltitel: | D-Tox |
| Düütsch Titel: | D-Tox – Im Auge der Angst |
| Produkschoonsland: | USA |
| Johr vun’t Rutkamen: | 2002 |
| Läng: | 92 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Jim Gillespie |
| Dreihbook: | Ron L. Brinkerhoff |
| Produkschoon: | Ric Kidney |
| Musik: | John Powell |
| Kamera: | Dean Semler |
| Snitt: | Timothy Alverson Steve Mirkovich |
| Szenenbild: | Gary Wissner |
| Kledaasch: | Catherine Adair |
| Dorstellers | |
| |
Inholt
ännernDe FBI-Agent Jake Malloy is achter en Serienmöörder her, de na un na al negen Polizisten brutal ümbröcht hett. Een Dag dröpt dat en Kolleeg vun Malloy, mit den he goot befrünnt weer. Malloy warrt an’n Daatoort ropen, üm den Fall to ünnersöken. So hett de Möörder dat plaant hatt, vunwegen dat he nu na dat Huus vun Malloy un klingelt. Malloy sien Leefste geiht an de Döör. As se dör dat Döörlock kieken will, bohrt de Möörder ehr mit en Bohrmaschien in’t Oog. Vun dor ut röpt he Malloy in’t Huus vun den do’en Polizist an un bringt dorna sien Leefste brutal üm.
Malloy mutt sik an’t Telefon anhöörn, dat he den Möörder fröher al mol meist tofaten kregen harr un de em dat nu torüchbetahlen will. För sien Leefste kann he kann nix mehr doon. Dorna is Malloy nich mehr he sülvst. He fangt dat Supen an un fallt in en deepe Depresschoon. Vun sien Kolleeg Hendricks warrt Malloy na en Afwenn-Klinik in Wyoming bröcht, woneem vör allen Polizisten behannelt warrt. De Doktor, de de Klinik föhren deit un meist as en Gefängnis inricht hett, weer inst sülvst en Polizist. Man de Möörder, de jümmer noch free rümlopen deit, hett Malloy nich ut de Ogen lopen. He maakt en vun de Patienten an de Siet un övernimmt den sien Steed, üm in de Klinik rintokamen.
Bald gifft dat den eersten Doden, bi den dat noch na Sülvstmoord utsütt. Man, dat is blots de Anfang. Togliek warrt de Klinik dör en Sneestorm vun de Butenwelt afsneden. Ok de Telefonleitung is dör den Storm ünnerbroken. Hendricks maakt in de Twüschentiet Urlaub in en Hütt in de Neeg. Bi’t Iesangeln finnt he de Liek vun den Patienten, för den sik nu de Möörder utgifft. Hendricks ahnt, dat dor wat nich stimmt un maakt sik op’n Weg na de Klinik, wat in den Sneestorm aver nich so eenfach is.
As in de Klinik ok de Doktor dootslahn warrt, is kloor, dat dat een op de Polizisten afsehn hett. Na un na maakt de Serienmöörder de Polizisten an de Siet. Opletzt finnt Malloy den Henwies, dat alleen Slater de Möörder wesen kann. He nimmt den Kamp gegen em op un behollt mit Ünnerstütten vun Hendricks in’n Showdown de Böverhand. He betahlt em den Moord an sien Leefste torüch. In de letzten Szeen hingt Malloy en Keed mit den Ring, mit den he sien Leefste üm ehr Hand anhollen wull, an en Tiweg. Dormit slutt he mit de verleden Tiet af.
Kritik
ännernDat Lexikon vun’n internatschonalen Film betekent den Anfang vun’n Film, de sik op de seelische Pien vun den Protagonist kunzentreert, as veel verspreken. Man, den verlööpt sik de konfus inszeneerte Action-Thriller in tyypsche Routinen vun’t Genre ahn wietere Bedüden.[1]
Borns
ännern- ↑ Kritik in’t Lexikon vun’n internatschonalne Film afropen an’n 7. Juli 2013