Bebop
De Bebop is en Epoche in de Entwicklung vun de Jazz. De Bebop hett den Swing aflöst un entwickel sück af 1940 un legg de Grundlaag för den Modern Jazz. Besünnerheiten vun de Bebop sünd grötere rhythmische Freeheiten för Slaggtüüch un Bass, extrem flink Tempi un komplexere Harmonieschemata as in' Swing, as ok de Inführung vun de Tempoverdüppelung in de solistischen Improvisationen.
![](http://upload.wikimedia.org/wikipedia/commons/thumb/c/cb/Dizzy_Gillespie_playing_horn_1955.jpg/170px-Dizzy_Gillespie_playing_horn_1955.jpg)
Ok de Bindung an en Thema locker sück. Musiker as Charlie Parker greepen in de Regel blots noch up den formalen Rahmen un de Harmonieaffolgen vun en Musikstück torüch un leten de Melodie vun dat Thema in de Improvisationen wietgahnd unberücksichtigt. En anner Markmal vun den Bebop sünd Improvisationen över en längeren Tietruum; deelwies fangen se an oder gaht to Enn' midden in en Chorus.[1].
Wichtig Vertreder vun den Bebop weern Charlie Parker, Dizzy Gillespie, Thelonious Monk, Bud Powell, Oscar Peterson, Charles Mingus, Max Roach un Miles Davis.
Literatur
ännern- Joachim Ernst Berendt & Günther Huesmann: Das Jazzbuch. ISBN 3-596-10515-3
Enkeld Nahwiesen
ännern- ↑ Andre Asriel, Jazz: Aspekte und Analysen. Berlin 1985, S. 186