Riemko Holtrop
Riemko Meindert Holtrop (Hengel, den 14. november 1914 - Delden, den 11. februari 1996) was nen modern kunstenaar uut Hengel in Twente, den as beide med skilderen un bealdhauwen uut de vöte kunde. Hee was eyne van de eyrsten wat sik med moderne kunst gangs hölde in Oustneaderland un hee skreav der ouk nen houp oaver.
Leaven un loupbane
[bewark | bronkode bewarken]Van 1932 töt 1936 studeert Holtrop an de Rotterdamse Kunstacademie un an de Academie de la Grande Chaumiere in Parys (1939). In 1941 geyt he in de leyre by den arnhemsken bealdhauwer Gijs Jacobs van den Hoff. Mär den Tweyden Wearldoorlog is an de gang, un maket nen depen indruk up em. Net as heyl wat andere kunstenaars kan hee sik nå den oorlog neet meyr vinden in et starre, formgebündene van dårvöär, wåras de Twentse Kunstkring en vöärbeald van was. Dee willet niks weaten van moderne kunst. Vandår at Holtrop in 1945 med noch nen koppel andere kunstenaars uut Twente De Nieuwe Groep uprichtet.
In 1946 vangt Holtrop an med holtskoalteykeningen. In syne warken, dee as he 'Bezetting' nöömt, begint he vry van sik af to teykenen. Hee löt sik dårby stüren döär et materiaal, sunder der en idee by to hebben.
Hee geyt voordan med uutproberen in de vrye makerye. Med "benzinevellen" (dik verlymd teykenpapyr, med dårup med bensine verdünde öälyvarve), un monotypen (ne tovallige untdekking van em, wårby as noch natte varve döärdrükket up en ander vlak) uut de jåren '50 un '60. Vöäral in syne 'scrapeboards' (höltene planken med meyrere lågen varve, wåras hee dan weader struktuur in krast) vindet Holtrop ne wyse üm syne vrye ideen to uten. Et leyvert em vöäle lov up, un heyl wat tentounstellingen.
vanaf de jåren '60 begint hee voordan konstruktiver un monumentaler wark to maken. Syne warken lyket good döärdacht un hebbet altyd heldere lynen, klören un vlakken. Verduselen of med upset undüdelik maken, düt he neet. In al syne warken lyket verstand un gevööl in eavenwicht. Synen helderen styl sorget dat heyl wat updrachtgeavers em wal weatet to vinden. Syne maaksels sint to vinden in Het Stedelijk Museum in Amsterdam, et Gemeentemuseum Den Haag, Het Rijk, PTT Nederland, Provincy Oaveryssel, IJsselcentrale Zwolle un by heyl wat leevhebbers in huus.[1]
In 1996 kümt Holtrop uut de tyd. Syn wark is noch langen tyd to bekyken in ne galery in Tilburg, mär in 2019 geyt syn wark in de uutverkoup. Der sint volgens synen dochter to weinig interesseerden in syn wark.[2]
Styl
[bewark | bronkode bewarken]Et valt to seggen at der vöäle spanning in syn wark sit. Mangs is et en slim balanceerd geheyl van krüsende lynen dee as verskillende vlakken maket, mangs vry uutdrükkend un verbealdend. Kenmarkend sint ouk syne figuurachtige skepsels, dee as lang un dünne andoot un klauwet un knaget. Volgens syn dochter kunde Holtrop neaderslachtig weasen, wat in syn wark to seen is.[3]
Uutgånde verwysing
[bewark | bronkode bewarken]- https://www.riemkoholtrop.nl Websteade oaver Holtrop, underhölden döär syne family.
- ↑ Riemkoholtrop.nl.
- ↑ Tubantia.nl. "Werk Twentse kunstenaar in de uitverkoop: ‘Riemko sterft voor de tweede keer’". Haverkate, Herman. Skreaven up 24 oktober 2019. Bekeaken up 16 november 2024.
- ↑ Tubantia.nl. "Werk Twentse kunstenaar in de uitverkoop: ‘Riemko sterft voor de tweede keer’." Haverkate, Herman. Skreaven up 24 oktokber 2019. Bekeaken up 16 november 2024.