Meta


Meta
Nomme ufficiale:	Meta
Stato:	Italia
Reggione:	Campania
Pruvincia:	Napule
Estenzione:	2 km²
Pupulazzione:	7.943 (31/12/2004)
Denzità:	3.848 ab./km²
'E riune:	Alberi
Commune vicini:	Piano di Sorrento, Vico Equense
Coordinate giugrafiche:	40°38'30"N, 14°25'0"E Mustra 'int' 'a mappa
Sinnaco:	{{{sinnaco}}}
Codice pustale:	80062
Prefisso pe ttelefunà:	081
Santo prutettore:	Santa Maria d''o Lavuro
Festa d'o patrono:	12 'e settembre
Sito:	meta.asmet.it

Meta è nu comune 'e 7.943 abetante d''a pruvincia 'e Napule.

Descirzzione

'O cumune 'e Meta sta 'int"a penisula surrentina 'nzieme 'e cumune 'e Vico Equense, Piano 'e Sorrento, Sant'Agnello, Sorrento e Massa Lubrense. É 'o siconno paese d"a penisula pruvenenno 'a Napule, aropp'a Vico Equense. É pure ll'uneco cumune d"a penisula a nun avè nu sbocco 'ncopp'ô gurfo 'e Salierno: sta 'nfatte sulo 'ncopp'ô Gurfo 'e Napule.

Meta sta a 111 metre 'ncopp'ô liviello d"o mmare e se estenne 'ncopp'â na superfisie 'e 2,5 km², ca cumprennono sia zzone custiere, cu cchiù 800 metre 'e liturale, sia zzone montuose, cu 'a frazzione 'e Alberi, 'o Monte Vico Alvano a Sud Est, 'e 642 metre, e parte 'e Muntagne Camaldole.

Pure se nun ce songo vere frazzioni, 'a tradizzioni populare vede Meta divisa in ddoje parte:Metra 'ncoppo e Meta abbascio, 'a primma cuntiene Alberi e 'a zzona 'e dinto d"o paese; 'a siconna è 'mmece cumposta d"a zzona d"o mare.

Etimologgia

Ce songo assaje 'nterpretazzione 'ncopp'â ll'origgine d"o nomme 'e Meta: quacche sturiose dice ca vene d"o nomme 'e n'antichissima casa ca 'a soja costruzzione nun fuje maje purtata 'a fine; âte 'mmece 'a na qualità 'e uva cultuvata 'ncopp'ê colle 'e Meta. Ma 'a teuria cchiù pussebbele vole ca 'o nomme vene d"a posizzione giugrafeca: 'o paese sta 'nfatte 'a fine d"a penisula Surrentina; pe 'e cchiù addò mmò ce sta 'a Basilica d"a Maronna d"o Lauro, ve era 'int"a ll'antichita 'a petra miliare d"a fine d"a penisula.

Storia

'A storia d"o paese è ligata a chella d"a Penisula e d"o regno 'e Napule. se ffà risalì 'a funnazzione 'e Meta d"o VII seculo d.C. Dint"o IX seculo 'e metise avevano na bona Marina 'e Mercato e frequentavano 'e puorte 'e ll'Oriente, cumpresi chilli d"a Palestina. Se ppò dicere ca fossero devote 'a Maronna d"o Taborre, ca 'a soja statua fuje traspurtata a Meta. Aropp'a n'apparizzione divina nfra rame 'e alloro, 'a Santa prese 'o nomme 'e Maronna d"o Lauro. Pe âto 'a tradizzione paesana colluca 'a apparizzione d"a Maronna proprio addò ogge ce sta 'a Basilica d"a Maronna d"o Lauro.

Abbascio 'a dominazzione aragonese, rre Firdinanno emanatte dint"o 1491 nu decreto ditto "capitulo", addò se stabbiliva ca Surriento duveva amministrà 'a cità 'int"e mmure e 'o terrieno ca cumpreneva 'e ddoje paese cunfinante:Chiano e Meta.

Durante 'a granne 'nvazione saracena d"o 1541, Meta canuscette 'nzieme a Surriento e Massa, assede e 'ncendie.

Ô 1656 'a peste culpette Napule e se diffuse pure a Meta addò facette assaje vittime. 'A sto periudo risale 'o centiere navale Alimuri. D"o 1734 'e Burbone 'e Napule diventavano 'e nove suvrane d"o Regno 'e Napule. Aropp'a caruta d"e Burbone 'e Napule, Meta ffà parte d"o cumune 'e Surriento.Ô 1819 Meta era divennata autonoma; tale autonomia duraje fi 'o periudo fascista: ô 1927 se riunette a Surriento 'nzieme 'e cumune 'e Piano e 'e Sant'Agnello, furmanno nu Cumune uneco, 'a "Granne Surriento". D"o 1946 è riturnata a essere cumune innipennente.

Pupulazzione

Pupulazzione censita

'Nvrastrutture

Ferruvie

Meta è attraverzata d"a linea ferruviaria Napule - Surriento d"a Circumvesuviana e ve se trova na stazzione,Meta.

Strade

'Int"o cumune 'e Meta ce sta 'a Strada Statale 145 Surrentina, ca arrivata in paese prenne 'o nomme 'e Curso Italia.

'O sinnaco

'O sinnaco d"o cumune 'e Meta è Paolo Trapani d"o 8 'e giugne d"o 2009.