Куусиненэнь кеврунгось
ЛопаПарцун:Памятник Отто Вильгельмович Куусиненэнь кеврунгось – российской ды советской вийкирдиень, политикань ды партиянь тевень теицянень алтазь кеврунго, стявтозель Карелэнь Республикань Петроской прявтошсо, Советской площадь лангсо. Кеврунгось ашти кода аволь умок муезь культурань смустень канцыцякс[2].
Пингедензэ
1964 иестэ панжиковонь 17-це чистэ кулось Отто Вильгельмович Куусинен, политикань ды вийкирдий тевтнеде содыдей, сехте сыре Президиум ЦК КПССэс совиця, Владимир Ильич Ленинэнь кедьсэ тонавтницясь ды сонензэ лездыцясь, марксизмань, кода теориянь, ладицясь ды стявтыцясь, СССРэнь Наукань Академиянь академикесь. Васеньце лемень кундамо таркакс ульнесь Московсо, Кремлянь экшсэ, стенасо сонзэ куловтнэнь калмамось. 1964 иестэ аштемковонь 16-це чистэ ЦК КПССэнь ды СССРэнь Министратнень Советэнь вейсэнь меремга нолдазель «Отто Вильгельмович Куусиненэнь лемензэ кундомодо» конёв, конань кувалт Петроской ошсо улезэ стявтозь политикань содыдеентень кеврунго, истя жо улезэ лемдезь сонзэ лемсэ Петроской вийкирдиень университетэсь ды Москов ошсо куро, теде башка улест нолдазь сонзэ кочксезь сёрмадовкстнэ[3].
СССРнь культурань министерствась яволявтсь кеврунгонь керсемань-теемань пелькстамо, конантень явсть мель колмо кужот: Петроской ошсто. Московсто ды Эстэнь масторсто. Ансяк анокстамонь тевтне пек теткевсть, тень кувалт Петроской ды Москов кужотне лоткавтызь важодемаст. Эстэнь масторонь кеврунгонь керсицятнень важодемаст содыдейтне ловизь аволь домкакс. 1968 иестэ аштемковсто ютавтовсь омбоце пелькстамонь тур, конасонть ульнесть невтезь кавто од проектт. Пелькстамонь кувалт ульнесь кочксезь Борис Дюжевэнь кеврунгонь керсиень ды Александр Заварзинэнь ды Евгений Кулагиень[3] архитектортнэнь вейсэнь важодемаст. Кеврунгонь стявтома таркась ульнесь кочксезь сеске: истямо таркакс ладязель Онегань бокава ютамо таркась ды Ленинэнь проспектэнь юткось. Ансяк эрьва кодамонь зыянонь лисемга стявтомась ялатеке потась. Васня ульнесь мелесь стявтомс Карелэнь АССРэнь 50 иень топодема чинтень. 1972 иестэ – Ожоковонь революциянь 55 иень топодеманень ды СССР-нь 50 иень топодеманень. Официальной кеврунгонь панжомась теезель 1973 иень панжиковонь 22 чистэ, те ульнесь Петроской ошонь 270 иень топодемась[3].
Описание
Отто Куусиненэнь кеврунгось керсезь Шальск усиясто туевкс гранитстэ, стявтозь Советской площадень куншкасо. Куусинен ашти стядо, пряс путомавтомо. Кеврунгонь верьце таркасо «Отто Куусинен»[4] сёрмадовкс. Кеврунгось теезь академической формань коряс, ваны Онегань зёлт лангс, секс тескень эрицятне лемдизь сонзэ «Рыбнадзорокс»[5].
Примечания
- ↑ Приказ Министерства культуры Республики Карелия № 38 от 18.02.2000
- ↑ Приказ Министерства культуры Республики Карелия от 18 февраля 2000 года № 38 «Об учете вновь выявленных памятников истории и культуры»(недоступная ссылка — история).
- ↑ 3,0 3,1 3,2 Волохова, 2015.
- ↑ Памятник О. В. Куусинену(недоступная ссылка — история). Республиканский центр по государственной охране объектов культурного наследия. Ваннозь 12 Ацамковонь 2020.
- ↑ Памятник Куусинену: и на камнях растут деревья (4 Аштемков 2014). Ваннозь 12 Ацамковонь 2020.
Ланганзо сёрмадовкстнэ
- Волохова В. В. Символ советской эпохи: история памятника О. В. Куусинену в Петрозаводске // CARELiCA. — 2015. — № 2 (14). — С. 23—31. — ISSN ЛопаПарцун:ISSN search link. — ЛопаПарцун:DOI.