FreeDOS
![](http://upload.wikimedia.org/wikipedia/commons/thumb/3/3d/FreeDOS_logo4_2010.svg/220px-FreeDOS_logo4_2010.svg.png)
![](http://upload.wikimedia.org/wikipedia/commons/thumb/1/10/FreeDOS_1.1_screenshot.png/220px-FreeDOS_1.1_screenshot.png)
L FreeDOS (antes nomeado Free-DOS i PD-DOS) ye un sistema ouperacional pa l'arquitetura x86 (IBM PC, Antel i cumpatibles) que bisa dar cumpatibelidade culs porgramas de ls yá coincidos sistemas ouperacionales cumpatibles cun DOS. Ten lhicença oupen-source (GPL - la mesma de l Linux) podendo ser copiado, outelizado i modificado lhibremente. L FreDOS ye custruído cumo un cunjunto de defrentes porgramas, qu'atuan cumo pacotes.
Cumo un nembro de la Família DOS, FreeDOS probé percipalmente l'acesso la çco i al sistema d'arquibos por meio de l núcleo, i an parte l gerenciamiento de mimória, mas nun ten nanhue anterface gráfica (anque eisistiren pacotes para OupenGEM (ancluso ne l CD) i Ozone).
FreeDOS funciona an máquinas antigas cumo ls IBM PCs bien cumo nas mais atuales para alhá de sistemas ambarcados. Assi cumo l MS-DOS, el ampeça dun çquete ó çco rígido, mas tamien puode ser carregado a partir de mimória ROM. Al cuntrairo de la sue cuntraparte propiatária, FreeDOS suporta arranque bie CD-ROMs, i qualquiera pessona ye lhibre para criar sues própias bersones i çtribuiçones, sin percisar pagar nanhue spece de royalty. FreDOS ye software lhibre i de código abierto, lhicenciado pula GNU GPL.
L'oubjetibo de l FreeDOS ye ouferecer cumpatibelidade la quien zeia rodar jogos de cumputador i porgramas antigos feitos para sistemas ouperacionales cumpatibles cun DOS nun cumpatibles culs sistemas ouperacionales atuales, probendo suporte l'aplicaçones Anterneta usando anterface DOS.