Ara s-sors ta' Kristofru Kolombu

{{nebbieta|bijografija}}{{Infobox bijografija}}

'''Kristofru Kolombu''' (c. 1451 – 20 ta' Mejju 1506) kien [[esploratur]] [[Taljan]] li qasam l-[[Oċean Atlantiku]] u li kixef l-Amerki fit-12 ta' Ottubru 1492.

Kristofru Kolombu kien żagħżugħ qalbieni li dejjem ħabb l-avventura. Hu xtaq li jsib triq ġdida lejn il-Lvant billi jbaħħar fl-Oċean Atlantiku li dwaru ftit li xejn kien magħruf. It-twettiq ta' din il-ħolma kellha tbiddel il-[[mappa]] tad-[[dinja]]. Aktarx li twieled f'[[Genova]] fl-1451 u beda jbaħħar minn meta kien għadu tfajjel. Kien iħobb jaqra ħafna, l-aktar dwar il-vjaġġi. Il-vjaġġi ta' [[Marco Polo]] qanqlu lil Kolumbu biex imur ifittex hu wkoll.

== L-ewwel vjaġġ ==
[[Stampa:Columbus1.PNG|thumb|200x200px| Ir-rotta tal-ewwel vjaġġ|xellug]]

Meta r-Re tal-[[Portugall]] ma laqax it-talba tiegħu għall-għajnuna biex jaqsam l-Atlantiku, telaq lejn [[Spanja]]. L-għorrief Spanjoli bdew jisimgħuh iżda ftit tawh widen. Fl-1492, wara seba' snin ta' taħbit, Kristofru Kolombu ngħata permess biex ibaħħar taħt il-bandiera Spanjola. Fil-bidu ta' Awwissu tal-istess sena, tliet [[karavelli]] tħejjew għall-vjaġġ. L-ekwipaġġ kien imħallat. Kien hemm nies ta' qattagħni, ħabsin, u oħrajn li ħsiebhom kien li jistagħnew fi żmien qasir. Maż-żerniq tal-Ġimgħa, it-3 ta' Awwissu, il-ġifen [[Santa Marija (bastiment)]] baħħar mill-port ta' [[Palos]], fi [[Spanja]], flimkien man-"Niña" u mal-"Pinta". Reħewlha lejn il-[[Gżejjer Kanarji]] u l-ewwel vjaġġ beda fis-6 ta' Settembru.

[[Stampa:Santa-Maria.jpg|thumb|left|300px| Din hija replika tal-ġifen Santa Marija]]

Is-Santa Marija kienet tiżen biss madwar mitt tunnellata u kellha ekwipaġġ ta' erbgħin baħri biss. Iżda il-fidi qawwija ta' bniedem bħal Kolombu ma naqset qatt. Il-qlubija tiegħu ħeġġet lin-nies jagħmlu sforzi kbar.

Wara bosta jiem ta' tbaħħir, bdew jidhru xi friegħi u ħaxix tal-baħar frisk jgħumu f'wiċċ l-ilma, u xi [[Għasfur|għasafar]] tal-passa għaddew mill-qrib ukoll. Kienu sinjali ċari li xi art kienet fil-qrib. Fit-12 ta' Ottubru, sebgħin jum wara li kienu telqu minn Spanja, imstemgħet għajta minn baħri "l-art...l-art". Kienu lemħu art ġdida. Wara tħasseb ftit. Hu ħaseb li kien wasal l-[[Asja]], għalkemm effettivament Kolombu kien wasal l-[[Amerika|Amerka]] u mhux l-Asja.

[[Kategorija:Twieldu fl-1451]]
[[Kategorija:Mietu fl-1506]]
[[Kategorija:Esploraturi]]
[[Kategorija:Navigaturi]]
[[Kategorija:Nies Taljani]]