Свадба

За други значења на поимот, погл. Свадба (појаснување).

Подготвување за фотографирање, на свадба во Торнбури Касл, Англија

Свадбена церемонија во црква во Финска.

„Свадба на утрешната улица“, слика од Јуриј Пименов на Советска поштенска марка.

Свадба или венчавка е церемонија на која две личности се соединуваат во брак. Свадбените традиции и обичаи не се секаде исти, тие вариират во сите култури, етнички групи, религии, предели, околини, држави и општествени класи. Поголем дел од свадбените церемонии вклучуваат замена на свадбени завети помеѓу парот, давање на подарок (прстен(и), симболичен подарок, цвеќиња, пари) и јавно прогласување на бракот од авторитетна фигура. На свадбата најчесто се носат специјални свадбени облеки и најчесто свадбената церемонија е проследена од свадбен прием. Музика, поезија, молитвеници или читања од Библијата или друга слична литература можат исто така што бидат вклучени во самата церемонија.

Свадбата како тема во уметноста и популарната култура

Свадбата како тема во книжевноста

• „Свадбата на седумте Цигани“ (De bruiloft der zeven zigeuners) - роман од холандскиот писател А. ден Долард од 1939 година..
• „Свадбен пат“ - збирка поезија на чешкиот поет Јарослав Сајферт од 1925 година.
• „Свадба“ - роман на српскиот писател Михајло Лалиќ.
• „Свршувачка“ (Desposorio) - песна на шпанскиот поет Федерико Гарсија Лорка.
• „Крвави свадби“ - драма на шпанскиот писател Федерико Гарсија Лорка.
• „Невеста“ - песна на германскиот поет Рајнер Марија Рилке.
• „Селска свадба“ - песна на ирачкиот поет Бадр Шакир ас-Сејаб.
• „Сватови (Пофалба на непознатата невеста)“ - песна на македонскиот поет Петре М. Андреевски.
• „Свадби“ (Svadbe) - песна на српскиот поет Васко Попа од 1954 година.
• „Свадба во бањата“ (Свадба у купатилу) - комедија на српскиот писател Милорад Павиќ од 2005 година.
• „Свадбата на Прометеј“ - песна на македонскиот поет Анте Поповски.

Свадбата како тема во филмот

• „Свадба“ - југословенски филм од 1973 година.
• „Мојата голема дебела грчка свадба“ (англиски: My Big Fat Greek Wedding) - американски филм од 2002 година во режија на Џоел Звик.

Свадбата како тема во музиката

• Бела свадба“ (White wedding) - песна на британскиот рок-пејач Били Ајдол (Billy Idol) од 1982 година.
• „Свадбата на Мери“ (Marie's wedding) - песна на северноирскиот пејач Ван Морисон и групата „Чифтанс“ (The Chieftains) од 1988 година.
• „Свадбени радосни извици во Вегас“ (Wedding Vows In Vegas) - песна на американската поп-група „Воз (Нот Воз)“ (Was (Not Was)) од 1988 година.

Свадбата како тема во сликарството

• „Младоженец“ (Mladoženja) - слика на хрватскиот уметник Мартин Мехкек од 1965 година.
• „Цигански сватови“ (Ciganski svati) - слика на хрватскиот уметник Иван Генералиќ од 1936 година.
• „Невеста“ (Mladenka) - слика на хрватскиот уметник Мирослав Шутеј од 1982 година.