Свадба

За други значења на поимот, погл. Свадба (појаснување).

Подготвување за фотографирање, на свадба во Торнбури Касл, Англија

Свадбена церемонија во црква во Финска.

„Свадба на утрешната улица“, слика од Јуриј Пименов на Советска поштенска марка.

Свадба или венчавка е церемонија на која две личности се соединуваат во брак. Свадбените традиции и обичаи не се секаде исти, тие вариират во сите култури, етнички групи, религии, предели, околини, држави и општествени класи. Поголем дел од свадбените церемонии вклучуваат замена на свадбени завети помеѓу парот, давање на подарок (прстен(и), симболичен подарок, цвеќиња, пари) и јавно прогласување на бракот од авторитетна фигура. На свадбата најчесто се носат специјални свадбени облеки и најчесто свадбената церемонија е проследена од свадбен прием. Музика, поезија, молитвеници или читања од Библијата или друга слична литература можат исто така што бидат вклучени во самата церемонија.

Свадбата како тема во уметноста и популарната култура

Често, свадбата се јавува како инспирација и тема во бројни дела во уметноста и популарната култура, како:

• „Свадбата на седумте Цигани“ (De bruiloft der zeven zigeuners) - роман од холандскиот писател А. ден Долард од 1939 година..
• „Свадбен пат“ - збирка поезија на чешкиот поет Јарослав Сајферт од 1925 година.
• „Свадба“ - роман на српскиот писател Михајло Лалиќ.
• „Невеста“ - песна на германскиот поет Рајнер Марија Рилке.
• „Селска свадба“ - песна на ирачкиот поет Бадр Шакир ас-Сејаб.
• „Сватови (Пофалба на непознатата невеста)“ - песна на македонскиот поет Петре М. Андреевски.
• „Свадби“ (Svadbe) - песна на српскиот поет Васко Попа од 1954 година.
• „Свадба“ - југословенски филм од 1973 година.
• „Венчавката на Мери“ (Marie's wedding) - песна на северноирскиот пејач Ван Морисон и групата „Чифтанс“ (The Chieftains) од 1988 година.
• „Свадбени радосни извици во Вегас“ (Wedding Vows In Vegas) - песна на американската поп-група „Воз (Нот Воз)“ (Was (Not Was)) од 1988 година.
• „Младоженец“ (Mladoženja) - слика на хрватскиот уметник Мартин Мехкек од 1965 година.
• „Цигански сватови“ (Ciganski svati) - слика на хрватскиот уметник Иван Генералиќ од 1936 година.
• „Невеста“ (Mladenka) - слика на хрватскиот уметник Мирослав Шутеј од 1982 година.