Bahaso Simalungun
Simalungun | |
---|---|
Sahap Simalungun | |
Ditutuakan di | Indonesia |
Rantau | Kabupaten Simalungun, Sumatera Utara |
Jumalah panutua | 1 juta (indak ado tanggal) |
Rumpun bahaso | |
Status rasmi | |
Bahaso rasmi di | - |
Diatur dek | - |
Kode-kode bahaso | |
ISO 639-1 | - |
ISO 639-2 | - |
ISO 639-3 | bts |
Bahaso Simalungun atau Sahap Simalungun (dalam bahaso Simalungun) adolah bahaso nan digunokan dek urang Simalungun nan mauni Kabupaten Simalungun, Serdang Bedagai, Deli Serdang, Dairi, Medan, inggo ka Tapanuli di Indonesia.
Klasifikasi bahaso
[suntiang | suntiang sumber]![](http://upload.wikimedia.org/wikipedia/commons/thumb/6/66/Languages_of_Northern_Sumatra_id.svg/300px-Languages_of_Northern_Sumatra_id.svg.png)
Panalitian P. Voorhoeve (saurang ahli bahaso Balando, panah manjabaik sabagai taalambtenaar Simalungun taun 1937), manyatokan baso bahaso Simalungun marupokan bagian dari rumpun Austronesia nan labiah dakek jo bahaso Sanskerta nan mamangaruahi banyak bahaso daerah lain di Indonesia.[1]
Kadakekan ko ditunjuakan jo huruf panutuik suku mati:[2]
- "Uy" dalam kato babuy dan apuy.
- "G" dalam kato dolog.
- "B" dalam kato abab.
- "D" dalam kato bagod.
- "Ah" dalam kato babah atau sabah.
- "Ei" dalam kato simbei.
- "Ou" dalam kato lopou atau sopou.
labiah jauah Voorhoeve juo manyatokan baso bahaso Simalungun ado dalam posisi manangah antaro rumpun Batak Utara jo rumpun Batak Selatan[3]. Panalitian lain nan dilakukan dek A. Adelaar manunjuakan baso bahaso Simalungun marupokan cabang dari rumpun Batak Selatan nan tapisah dari bahaso-bahaso Batak Selatan sabalun tabantuaknyo bahaso Toba atau Mandailing nan kini[4].
Pandangan umum mangkategorikan bahaso Simalungun sabagai bagian dari bahaso Batak, namun Uli Kozok (filolog) mangatokan baso sacaro sijarah bahaso ko marupokan cabang dari rumpun selatan nan babeda/tapisah dari bahaso-bahaso Batak Selatan sabalun tabantuaknya bahaso Toba atau Mandailing.[5]. Babarapo kato dalam bahaso Simalungun memang mamiliki pasamoan jo bahaso Toba atau Karo nan ado di sakitar wilayah tingganyo suku Simalungun, namun Pdt. Djaulung Wismar Saragih manarangkan baso ado banyak kato nan panulisannyo samo dalam bahaso Simalungun jo Toba namun mamiliki mukasuik nan balainan.[6]
Dialek jo ragam bahaso
[suntiang | suntiang sumber]Henry Guntur Tarigan mambedakan dialek bahaso Simalungun ka dalam 4 macam dialek:[7]
- Silimakuta.
- Raya.
- Topi Pasir (Horisan).
- Jahe-jahe (pasisia pantai timur).
Aksara
[suntiang | suntiang sumber]Bagian iko parolu pangambangan. Sanak dapek mambantu dangan mangambangkannyo. |
Aksara nan digunokan suku Simalungun disabuik aksara Surat Sisapuluhsiah.[8][9][10] Aksara Simalungun ditaliti dek Profesor Dr. Uli Kozok nan juo mambuek aksara komputer nan dapek digunokan untuak mancetak aksara Simalungun[5]
Rujuakan
[suntiang | suntiang sumber]- ↑ Juandaha Raya P. Dasuha, Martin Lukito Sinaga, Tole! Den Timorlanden das Evangelium! Sejarah Seratus Tahun Pekabaran Injil di Simalungun, Kolportase GKPS, 2003, hlm. 16.
- ↑ "Porloe Sahap ni Bangsa Sandiri bani Hakaristenon" dalam Sinalsal No.90/September 1938, hlm. 22-23.
- ↑ Voorhoeve,Petrus (1955) Critical Survey of Studies on the Languages of Sumatra.'s Gravenhage:Nijhoff. hlm. 9.
- ↑ Adelaar, K. Alexander, "Reconstruction of proto-Batak phonology" dalam Nusa 10-20
- ↑ a b Uli Kozok, Warisan Leluhur: Sastra Lama dan Aksara Batak, Kepustakaan Popular Gramedia, Jakarta, 1999, hlm. 14.
- ↑ Dj. Wismar Saragih, "Hata Toba pakon Hata Simaloengoen na Dos Tapi Legan Anggo Artini," Sinalsal No.52, edisi Juli 1935, hlm.7-10.
- ↑ Henry Guntur Tarigan, Bahasa dan Kepribadian Simalungun.
- ↑ 80 Tahun Djariaman Damanik, Gaya Media Pratama, Jakarta, 2000, hlm. 335-336.
- ↑ J.R. Hutauruk, Kemandirian Gereja, BPK Gunung Mulia, Jakarta, 1993, hlm.164.
- ↑ F. Marodjahan Purba, Undang-undang ni Surat Simalungun, Kalangan Sendiri, Pamatang Raya, 1974, hlm.1-58.