Urang Bali
| Urang Bali (Anak Bali) |
|---|
 |
| Gadih-gadih panari Bali, kiro-kiro tahun 1920-an. |
| Jumlah populasi |
|
3.946.416[1] |
| Kawasan bapopulasi cukuik banyak |
| Provinsi Bali: 3.336.065 Nusa Tenggara Barat:119.407 |
| Bahaso |
| Bali jo Indonesia |
| Agamo |
|
Mayoritas Hindu Bali; sisonyo Islam, Kristen, Katolik, jo Buddha |
| Kalompok etnik takaik |
| Urang Jawa (tamasuak Tengger sarato Osing) jo Urang Sasak |
Urang Bali (bahaso Bali: Anak Bali, Wong Bali, atau Krama Bali) adolah suku banso mayoritas di pulau Bali, nan mamakai bahaso Bali sarato babudayo Bali. Manuruik hasia Sensus Panduduak 2010, ado kurang labiah 3,9 juta urang Bali di Indonesia.[1] Sakitar 3,3 juta urang Bali tingga di Provinsi Bali dan sisonyo di Nusa Tenggara Barat, Sulawesi Tengah, Lampung, Bengkulu jo daerah ditampekan transmigrasi asa Bali lainnyo. Ado juo saketek urang Bali nan tingga di Malaysia.[2]
Asa mulo
Asa mulo urang Bali tabagi ka dalam tigo periode atau galombang migrasi: galombang partamo tajadi sabagai akibaik dari pasebaran panduduak nan tajadi di Nusantara salamo zaman prasijarah; galombang kaduo tajadi sacaro palahan salamo maso pakambangan agamo Hindu di Nusantara; galombang katigo marupokan galombang taakhia nan baasa dari Jawa, katiko Majapahit runtuah pado abaik ka-15—sairing jo Islamisasi nan tajadi di Jawa—sajumlah rakyaik Majapahit mamiliah untuak mampatahankan budayonyo di Bali, sainggo mambantuak sinkretisme antaro budayo Jawa klasik jo tradisi asali Bali.
Kapicayoan
Mayoritas urang Bali baragamo Hindu (sakitar 95%), sadangkan sisonyo (sakitar 5%) baragamo Islam, Kristen, Katolik jo Buddha. Sabanyak 3,2 juta umaik Hindu Indonesia tingga di Bali,[1] jo sabagian gadangnyo maanuik kapicayoan Hindu aliran Siwa-Buddha, sainggo babeda jo Hindu India.
Para pandeta dari India nan bakalana di Nusantara mangabakan sastra Hindu-Buddha ka urang Bali barabaik-abaik nan lalu. Masyarakaik manarimonyo jo mangkombinasikannyo jo mitologi pra-Hindu nan diyakini mareka.[3] Urang Bali nan alah ado sabalun galombang migrasi katigo, dikenal subagai Bali Aga, sabagian gadangnyo maanuik agamo nan babeda dari urang Bali pado umumnyo. Mareka mampatahankan tradisi animisme.
Tata caro panamoan
Urang Bali mampunyoi caronyo surang dalam manamoi anak-anak mareka. Jo panamoan nan khas ko, masyarakaik Bali dapaik jo mudah mangatahui kasta jo urutan lahia dari salah saurang. Alun jaleh sajak bilo tradisi pambarian namo depan iko mulai ado di Bali. Manuruik pakar linguistik dari Universitas Udayana, Prof. Dr. I Wayan Jendra, S.U. Namo muko tu partamo kali ditamukan muncua pado abaik ka-14, yakni wakatu rajo Gelgel, nan wakatu itu bagala "Dalem Ketut Kresna Kepakisan", nan marupokan putra kaampek dari "Sri Kresna Kepakisan" nan dinobatkan dek Mahapatih Majapahit, Gajah Mada, sabagai papanjangan tangan Majapahit di Bali. "Dalem Ketut Kresna Kepakisan" kamudian dilanjuikan dek putranyo, yakni "Dalem Ketut Ngulesir". Namun, Prof. Jendra alun dapek mamastian apokah tradisi maagiah namo muko itu sabagai pangaruah Majapahit atau bukan. Tapi, hal iko alah manjadi tradisi di Bali dan hinggo akhia abaik ka-20, masyarakaik Bali pun masih mamakainyo.
Catatan kaki
 |
Ado kategori tantang Suku Bali di Wikimedia Commons |
Wikidata: Balinese people
- ↑ a b c Kewarganegaraan, Suku Bangsa, Agama dan Bahasa Sehari-hari Penduduk Indonesia Hasil Sensus Penduduk 2010. Badan Pusat Statistik. 6 Nopember 2011. ISBN 9789790644175. http://sp2010.bps.go.id/files/ebook/kewarganegaraan%20penduduk%20indonesia/index.html.
- ↑ http://www.joshuaproject.net/assets/prayer-cards/id/PrayerCards-Country-MY-id.pdf
- ↑ Steve Lansing, Three Worlds of Bali. Praeger, 1983.
Dafta pustaka
- Vickers, Adrian (2012), Bali Tempo Doeloe, Jakarta: Komunitas Bambu, ISBN 978-602-9402-07-0
- de Zoete, Beryl; Spies, Walter (1938), Dance and Drama in Bali, London: Faber and Faber Ltd.
