Caliak sumber untuak Sumatera Thawalib

=== Awa mulo ===
Sumatera Thawalib awanyo tabantuak dari [[surau]], suatu sistem pandidiakan agamo Islam nan lah tabantuak dalam masarakaik jo tradisi Minangkabau. Limbago pandidiakan tradisional ko masih batahan sairiang tabantuaknyo pandidiakan [[madrasah]], nan didirian jo tujuan untuak pambaruan pandidiakan Islam. Di antaro surau patamo nan manarapkan sistem pandidiakan nan labiah moderen, sarupo pamakaian meja, kursi jo papan tulih, adolah [[Surau Jambatan Basi]] di Padang Panjang.<ref name="Mo">Naim, 1990. pp.4-18.</ref><ref name="De"/> Surau Jambatan Basi didirian pado taun 1914 dek [[Abdullah Ahmad]] jo [[Abdul Karim Amrullah]], nan disabuik juo jo namo Haji Rasul. Satalah Abdullah Ahmad pindah ka Padang, Haji Rasul maangkeknyo sabagai panaruih pimpinan surau, jo mambao banyak reformasi. Pado taun 1915, sabuah koperasi nan disabuik Koperasi Pelajar dibantuek dek Haji Habib, dan kudian dipalaweh dek Haji Hasyim. Badirinyo koperasi tu mambuek Surau Jambatan Basi dianggap mampunyoi pandangan nan tabukak jo dapek manarimo metode nan inovatif, karano konsep koperasi dibao dari Baraik.<ref name="Mo"/>

Pado taun 1913, [[Zainuddin Labay El-Yunusy]] baliak ka Padang Panjang sasudah baraja jo [[Abbas Abdullah]] di Padang Japang, Payakumbuh. Zainuddin manjadi guru di Surau Jambatan Basi, dan kudian pado taun 1915 mandirian juo sikola agamonyo surang. Maniru sistem Surau Jambatan Basi, Zainuddin mangumpuakan babarapo palaja surau, sarato mambuek pakumpulan Makaraful Ichwan nan batujuan mampadalam pangatauan Islam, mambahas kasarasian antaro Islam jo sains, sarato mambangun jaringan jo pasatuan antaro sasamo palaja Muslim.<ref name="De"/> Pado taun 1918, malalui jaringan Makaraful Ichwan, Zainuddin Labay, [[Jalaluddin Thaib]], jo Inyiak Mandua Basa mangganti namo Koperasi Pelajar manjadi Sumatera Thawalib, jo mampalaweh lingkup kagiatannyo. Panggantian namo ko diiriangi jo parubahan bantuak surau tu juo, manjadi Surau Sumatera Thawalib.<ref name="De">[https://www.jpnn.com/news/sumatera-thawalib-sekolah-modern-islam-pertama-di-indonesia Sumatera Thawalib, Sekolah Modern Islam Pertama di Indonesia.] ''JPNN''. Dicaliak 29 November 2017.</ref> Parubahan ko manariak paratian juo ka organisasi pamudo [[Jong Sumatranen Bond]], nan baru-baru tu mambuko cabangnyo di [[Kota Bukittinggi|Bukittinggi]] jo [[Padang]].

Samintaro Surau Jambatan Basi malakuan babarapo parubahan, pado taun 1918 kutiko Haji Rasul mandirian Surau Sumatera Thawalib, banyak perubahan nan dijalanan dek pandaulunyo barasia juo dijalanan di surau. Di antaro sistem pandidiakan nan diambiak dek Surau Sumatera Thawalib adaloh sistem kalas, parubahan kurikulum, metode pangajaran, sarato buku palajaran untuak mato palajaran umum.<ref name="Mo"/> Indak lamo satelah tu, Syaikh [[Ibrahim Musa]] mandirian Surau Parabek, sarato turuik juo malakuan parubahan di bidang pandidiakan, nan salanjuiknyo diikuti juo jo banyak surau lainnyo.<ref name="De"/>{{sfn|Abdullah|2018|p=43}}