Rongonimbazaha
Ny rongonimbazaha dia zavamaniry mamony, maniry isan-taona, ambolena mba hahazoana voany misy menaka azo atao sakafo sy hahazoana tsiraka azo anamboarana lamaba ity zavamaniry ity any amin' ny faritra misy toetany mafana. Ny anarany ara-tsiansa dia Linum usitatissimum. Ao amin' ny fianakaviana Linaceae no misy azy.
Tamin' ny taona 2022 dia i Frantsa no namokatra 75 % amin' ny famatsiana rongonimbazaha maneran-tany. Ny lamba vita amin' ny rongonimbazaha dia ampiasaina amin' ny lambam-pandriana, atin' akanjo ary lamban-databatra. Ity karazan-javamaniry ity dia fantatra amin' ny maha zavamaniry voavoly azy ary toa nambolena voalohany avy amin' ny karazana rongonimbazahadia Linum bienne.
Tao amin' ny Tsinambolana Lonaka (faritra ao Atsinanana Akaiky) ny rongonimbazaha no novolena voalohany. Ny sisa tavela amin' ny voan' ny rongonimbazaha hita any amin' ny tanàna fambolena neôlitika dia kely tamin' ny voalohany, toy ny an' ny rongonimbazahadia, Linum bienne, avy eo ny voany tany amin' ny 10 500 taona dia lehibe kokoa, mandra-pahatongany ho lehibe toy ny an' ny rongonimbazaha volena ankehitriny, nanomboka tamin' ny taona 8600 tal JK. Ny fambolena rongonimbazaha dia nanaraka ny lalan' ny fiparitahan' ny fambolena neôlitika manomboka amin' ny ivon' ny Tsinambolana Lonaka ka hatrany Eorôpa sy any amin' ny Lohasahan' i Nily.