Grupp de Visegrád
El Grupp de Visegrád (polacch: Grupa Wyszehradzka, ongares: Visegrádi Együttműködés, slovacch: Višegrádská skupina, cecch: Vyšehradská skupina) a l'è 'na lianza politega e colturala fondada in del 1991 de la Cecoslovacchia, de la Polonia e de l'Ongaria per favorì el progress economich, militar e social in 'sti Paes. Dopo de la division de la Cecoslovacchia i dò Stat successor hinn entraa a pien titol in del grupp.
![](http://upload.wikimedia.org/wikipedia/commons/thumb/3/36/Foundation_of_the_Visegr%C3%A1d_Group.tiff/lossy-page1-220px-Foundation_of_the_Visegr%C3%A1d_Group.tiff.jpg)
Dal 1 de magg 2004 tucc i member de Visegrád a hinn part de l'Union europea, ma domà la Slovacchia l'ha adottaa, poeu, l'Euro.
El grupp de Visegrád el reuniss quatter di Stat ex-comunista passaa a l'economia de mercaa pussee fiorent e in cress, anca pussee de la media europea, situazion che l'ha menaa a 'n cress di investiment e a 'n fond internazional faa apposta di Paes.
El gh'ha avuu anca, però, di conflitt cont el rest d'Europa per via di posizion intransigent in su la redistribuzion di migrant in arriv del Mediterrani o de la Siria e, soratutt per Polonia e Ongaria, per i posizion autoritari e illiberaj despess mostraa di sò governi.