Ciara le codesc dla funtana por Paejes Basc

== Storia ==
[[File:Political_map_of_the_Low_Countries_(1350)-NL.svg|thumb|left|I paejes basc tl 1350.]]
=== Viera di 80 ani ===
Ala fin dl Medieve ova i duches de la Burgonia metù adum 17 provinzies a chëles che ti univa dit ''i paejes basc''. Canche la muta de n duca ova tl 1477 maridà Maximilian I, l [[coser]] dl [[San Mper Roman]], fova i paejes basc deventei pert de la [[Spania]]. La reforma protestanta tl nord de i paejes tudësc se ova ënghe sparpanià ora te i paejes basc. L rë de Spania ulova fermé su la reforma, cie che adum cun na melcuntentëza danter la populazion per via de la aministrazion spanuela à purtà a cunflic y na viera contra la Spania, scumenceda tl 1568. Chësta viera fova stata scialdi cruënta y n grum de ziteies olandejes ie states bumbardedes y scascinedes. L evënt plu cunesciù ie la [[scascineda de Antwerpen]] ai 4 de nuëmber 1576, che fova a chël tëmp la zità plu mpurtanta tl raion ulache univa rujenà olandesc. I saudeies spanuei ova mazà n terzo de la populazion de Antwerpen y n grum ie mucei su a nord, a [[Amsterdam]], [[Haarlem]], [[Leiden]] y autra zeites. Da ilò incà se à l zënter dl mond olandesc spustà da Antwerpen a Amsterdam.<br>  

=== Republica de la Set Provinzies Unides ===
{{Main|Republica de la Set Provinzies Unides}}
Ai 26 de lugio 1581 se à la 7 provinzies plu a nord de la 17 provinzies de i paejes basc detlarà ndependëntes dala Spania y dal San Mper Roman, purtan nsci ala fundazion de la [[Republica de la Set Provinzies Unides]] sota l cumand de Willem van Oranje. La viera à durà inant nfin al 1648, canche la ie fineda do 80 ani cun la [[pesc de Westfalen]] (''Westfälischer Friede''). Do l'ndependënza fova i Paejes Basc una de la puecia republiches te l'Europa, ulache la majera pert de i stac fova [[rëni]]es. Uniuna de la set provinzies univa guverneda da n ''stadhouder''. Te chësc tëmp se à i Paejes Basc svilupà te l stat plu rich al mond, dantaladut tres l cumerz te l'[[Asia de l'est]], ulache i fova stai boni de mëter su n monopol de cumerz. La republica ova tosc plu che 2.000 berches, cie che fajova la marina olandeja majera de la marines [[Nghiltiera|nglëijes]] y [[Franzia|franzëuses]] metudes adum. Chësc ova purtà a na gran nvidia te la Franzia y te l'Nghiltiera, che ova cumbatù plu vieres contra i olandesc, cater vieres anglo-olandejes (1652–1654, 1665–1667, 1672–1674 y 1780–1784), la viera franzëusa-olandeja (1672–1678), la viera portugheja-olandeja (1602–1663) y la viera de la gran alianza contra l rëni de la Franzia (1688–1697).<br> 
La republica fova scialdi plu toleranta de autra religions y ideies che i autri stac a chël tëmp. Chësc ova permetù a n grum de artisć y pitëures de flurì, sciche [[Rembrandt]] y [[Johannes Vermeer]].