Hóndjechtige

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

De coyote (Canis latrans).

De femielje vanne hóndjechtige (Canidae) ómvatj róndje viefendertig saorte, worónger de vós, de wouf enne jakhals. De hóndjechtige vallen óngere óngerorde vanne Caniformia (döks ouch es "hóndjechtige" aangeduudj). Zoea vief saorte laeven in 't wildj in Europa: de jakhals, de wouf, de vós, de poealvós enne wasbaerhóndj. De litste saort is 'nen exoot.

Hóndjechtige zeen aangepas aan 't jage van proeajderen op aope graasvlakdje middels achtervölging. De meiste leje vanne femielje höbbe lang puuet, vief tieënen ane veurpuuet en veer tieënen ane achterpuuet. De klawwe zeen neet intrèkbaar wie bieje katechtige (Felidae). De stert is lank en bedèk mit haor. Väöl hóndjechtige kónne groeate aafstenj aaflègke.

Menkes höbben 'ne penisknaok. Deze penisknaok wuuertj doren eikel bedèk. Oppe basis vanne penis bevindj zich e zwèllichaam det tiejes de copulatie opzwèltj. Daodoor kónne de dere nao de paring vas kómme te blieve zitte. Meistes kriege hóndjechtige slechs eine wórp de jaor. Bei eljers, veure mennelike exemplare bestaon de saort diverse name wie "reu" of "raekel", vruikes waere döks "tieëf" geneump, zörge meistes veure jónge. De meiste saorte kónne zich good aanpassen aan ómstenjighejen en zeen opportuniste. Ze höbbe de räök good óntwikkeldj.

Taxonomie

• Femielje: Canidae
  • Geslach: Atelocynus
    • Saort: Kórtoearvós (Atelocynus microtis)
  • Geslach: Canis
    • Saort: Gestreipdje jakhals (Canis adustus)
    • Saort: Gewuuene jakhals (Canis aureus)
    • Saort: Coyote (Canis latrans)
    • Saort: Wouf (Canis lupus)
      • Óngersaort: Hóndj (Canis lupus familiaris)
      • Óngersaort: Dingo (Canis lupus dingo)
    • Saort: Reuzewouf (Canis dirus) (oetgestórve)
    • Saort: Zaaljakhals (Canis mesomelas)
    • Saort: Roeaje wouf (Canis rufus)
    • Saort: Ethiopische wouf (Canis simensis)
  • Geslach: Cerdocyon
    • Saort: Krabaetendje vós (Cerdocyon thous)
  • Geslach: Chrysocyon
    • Saort: Maonewouf (Chrysocyon brachyurus)
  • Geslach: Cuon
    • Saort: Dhole of roeajen hóndj (Cuon alpinus)
  • Geslach: Dusicyon
    • Saort: Falklandjvós (Dusicyon australis) (oetgestórve)
    • Saort: (Dusicyon thous)
  • Geslach: Lycaon
    • Saort: Hyenahóndj of Afrikaanse wiljen hóndj (Lycaon pictus)
  • Geslach: Lycalopex
    • Lycalopex culpaeus (Andesvós)
    • Lycalopex fulvipes (Darwinvós)
    • Lycalopex gymnocercus (Azaravós)
    • Lycalopex sechurae (Peruviaanse weusdjevós)
    • Lycalopex vetulus
    • Lycalopex griseus (Patagonische vós)
  • Geslach: Nyctereutes
    • Saort: Wasbaerhóndj (Nyctereutes procyonoides)
  • Geslach: Otocyon
    • Saort: Groeatoearvós of laepelhóndj (Otocyon megalotis)
  • Geslach: Speothos
    • Saort: Bóshóndj (Speothos venaticus)
  • Geslach: Urocyon
    • Saort: Grieze vós (Urocyon cinereoargenteus)
    • Saort: Eilandjvós (Urocyon littoralis)
  • Geslach: Vulpes (vus)
    • Saort: Bengaalse vós (Vulpes bengalensis)
    • Saort: Afghaanse vós (Vulpes cana)
    • Saort: Kaapse vós (Vulpes chama)
    • Saort: Steppevós (Vulpes corsac)
    • Saort: Tibetaanse zandjvós (Vulpes ferrilata)
    • Saort: Poealvós (Vulpes lagopus)
    • Saort: Groeatoearkitvós (Vulpes macrotis)
    • Saort: Oeastelike zanjdvós (Vulpes pallida)
    • Saort: Zandjvós (Vulpes rueppelli)
    • Saort: Vós (Vulpes vulpes)
    • Saort: Kitvós (Vulpes velox)
    • Saort: Fennek of weusdjevós (Vulpes zerda)