Poitiers

De printervriendelijke versie wordt niet langer ondersteund en kan weergavefouten bevatten. Werk uw browserbladwijzers bij en gebruik de gewone afdrukfunctie van de browser.

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

Poitiers is 'n sjtad in 't midde van Frankriek ane reveer de Clain. Ze ligk in de regio Nuuj-Aquitanië en is de houfsjtad van 't departemènt Vienne. Oet de sjtad kome ónger angere Michael Foucault (dem ziene pap en opa wore dokter dao) enne keuningin Adelheid van Poitiers. In 't jaor 2009 haj Poitiers zón 89.000 inweuners.

De sjtad sjteit bekind veur zien middeleeuws centrum, wo nag väöl historische vakwerkhoezer sjtaon.

Gesjiedenis

Poitiers is al gesjtich gewaore door de keltische Pictones veur d'n tied van 't Romeins Riek en hoot toe Pictavium. Bie de sjlaag bie Poitiers op 10 oktober 732 versjloog e Frans leger ónger Karel Martel 't oprökkendj Arabisch leger. Sinsdeen kós de truukvereuvering van Sjpanje aanvange.

Tiejes de Hóngerdjäörigen Oorlog waar de tweede sjlaag bie Poitiers op 19 september 1356 wobie 't Frans leger waerde versjlage door de Ingelse.

Karel VII van Frankriek sjtichde de universiteit vanne sjtad in 't jaor 1432.

Mit 't Edik van Poitiers op 17 september 1579 sjtopde de Zèsden Hugenotenoorlog, womit väöl vriejheje waerde verkrege veur de protestante.

Poitiers waar de houfsjtad van Poitou, de historische provincie die waerde besjtuurd door de graove van Poitiers.