Liejef

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

't Stadhoes van Liejef.

Liejef (Nederlandjs: Zoutleeuw; Frans: Léau) is 'n stad en gemèndje inne Belzje pervinsje Vlaams-Braobantj. De stad ligk oppe grens van 't Hagelandj, de Vöchtigen Haspegouw enne Druuegen Haspegouw, in 't oeaste vanne pervinsje. De gemèndje tèltj ruum 8.000 inweuners. De petroeanhèlge vanne stad in Sint-Leonardus.

De naam Liejef is aafgelèdj van 't Germaans hlaiwa det "bieje graafheuvele" mèntj.

Liejef behuuerdje innen dertieëndjen en veertieëndjen ieëf toete zeve groeate stej van Braobantj. Inne zèstieëndjen ieëf óntkoom de stad ane biljerstorm; hiedoor is de Sint-Leonarduskirk ane Groeate Mert de ènsigste kirk in Belsj mit 'n intak-gebleve middelieëfs interjeur. Ouch 't Stadhoes enne Lakenhal zeen middelieëfs en nag gooddeils intak gebleve.

Angere plaatse

Anger deilgemèndjes van Liejef zeen Budingen, Dormaal, Halle-Booienhoven en Helen-Bos. Wiejer guuef 't nag de gehuchten en dörper Booienhoven, Bos, Halle en Ossenweg.