Media

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Media is 't mieëvoud va medium, in dizze context e hulpmiddel öm e gedachtegood euver te bringe an de massa, e middel väör massacommunicatie (in taegesjtèlling töt de gewoen ein op ein, interpersoenlikke communicatie). Media zeunt dragers van informatie en werre ooch waal de viefde mach geneumd.

Kenmaerke

• Belangriekste kenmaerk van de media is de veroondersjtèlde betroewbaarhèèd van de èège media. Uvveraal haant luuj de neiging um de pers in leng wied-e-weg gowwer es partijdèg, oonbetroewbaar of zelfs indoctrinerend te bezieë es de pers van 't èège laand.
• De media werre, oondaanks kritiek, es oonaafhankelijk besjowd en dit deenkbeeld is de belangriekste raej vör de hiebaove geneumde betroewbaarhèèd.
• De berichtgaeving is flot, väöral mèt de nuuj media.
• 't Gèèt um massamedia, d.w.z. de media haant 'n potentieel um 'n groeët publiek te bereike dör hun groeëte toegankelekhèèd, die zich ooch uut in 't gegaeve dat de berichgaeving zoe geconstueerd wert dat ze vör 'n groeët publiek begriepelek is.
• D'r consumaent - loesteraer, toekieker - haat wènnig vat op de boodsjap. Interactieve TV wil dao verendering in brènge.
• Vöral d'r TV wert aanzieë es 'n hieël belangriek maatsjappelek podium, neet allèng vör berichte en ideeje, mae ooch vör perzoeëne.

Kiek ooch: Zjwiegsjpiraal

Historie van de informatie-vörziening

• d'r heraut
• d'r dörpsumroper
• gesjraeve nuujs, gezètte
• gesjpraoëke nuujs, radio
• gefilmd nuujs, bioscoopjournaal, televisie
• 't fenomeen CNN, örsjte nuujs waeltwied
• opkomst van 't internet

Media in d'r Euregio

Limburgstalège media

• Veldeke-orgaan
• JMV

Nederlandstalège media

Hollesj Limburg kint twiè TV-zendersj, L1 en TV Limburg. Af en toe haet L1 oetzendinge in 't Limburgs.

Radio:

• L1-radio.

Gezètte:

• Limburgs Dagblad
• De Limburger. 't Dagblad van Noord-Limburg, dat tot 1996 rónd Venlo versjeen, is in dat jaor euvergegange in de Limburger.

Belsj Limburg kint eine TV-zender, TV-Limburg.

Gezètte: Het Belang van Limburg

Fraanstalège media

In 't Laand va Herf en in Voere wert väöl de Meuse gelaeze. Die gezèt is in Nederlands Limburg neet mie te kriege.

Duutsjtalège media

In de Duutsjtalège Gemeensjap wert väöl 't dagblad d'r Grenz-echo gelaeze.

Landeleke Media

Al de media in de Euregio zeunt regionaal media en richte zich op 'n lieëggesjoeëld, regionaal georiënteerd publiek. Hoeëggesjoeëlde volge op 't Hollendsj en op 't Belsj de landeleke media of d'r internationale cultuurzender ARTE, dae in Nederlands Limburg neet op d'r kabel sjtèèt:

Landeleke gezètte:

• 't NRC
• De Standaard
• Le Soir

Landeleke TV-zenders:

• Ned II
• Canvas
• Arte
• RTBF II