luuj

Mofers

Zelfstenjig naamwaord

Lemma

luuj mv /lʉ̜̀:i̯/ > /lʉ̜̀(:)i̯/

1. 'ne groep van persoeane, miense (zowaal es e bepaoldj es 'n ónbepaoldj aantal)
2. de miensheid in 't algemein, de gemeinelike miense

Raod

't Waord "luuj" haet gèn negatieve beteikenis. Bie de jónger spraekers nump 't gebroek van dit waord waal aaf in 't veurdeil van 't slaagmieësig mieëvaad miense.

Aafbraeking

• luuj

Aafleijinge

• luujkes
• boereluuj, boeteluuj, mansluuj, riekeluujskindj, vakluuj, vrouwluuj, zakeluuj

Verwantje wäörd

• man, miens, volk

Zagswies

• Aaj luuj mótte sterve, jóng luuj kónne sterve: 't Ligk neet veure handj det jóng luuj sterve.
• anger luuj häör kinjer: bekindje kinjer, meh neet die van zichzelf

  Me vrietj ummer mit anger luuj häör kinjer.

• Dao zeen drie saorte luuj: goje, slechten en staeveswaerter:
  1. (lètterlik) Luuj oet Staeveswaert zeen neet good en neet slech.
  2. (euverdrechtelik) De meiste luuj zeen neet gans good, mer onneet gans slechs.
• de luuj neet kinne (naodrök op luuj): de miensen oete korte ómgaeving neet kinne
• Det is (al) óngere luuj: De miensen oete korte ómgaeving weten 't (al).
• Fien luuj en fiene raenge bezeike dich: Wach tich veur luuj die zich fien veurdoon (die bedrege dich) en veur toewe miezzer (daovan wuuers te naat).
• geldj óngere luuj höbbe hange: väöl luuj es debiteur höbbe, 't geldj oetgelieëndj höbben aan anger luuj
• Inne heuk wonen ouch luuj:
  1. Op hieël väöl gekke plaatse wonen ouch luuj.
  2. (euverdrechtelik) Doe mós ouch inne heuk (van 'n kamer) poetse.
• Kinjer en zate luuj zègke de waorheid: Kinjer en zate luuj zègke drek wie det die zich veulen of waat det häör meining is, sónger dao-euver te lege.
• leef luuj: 'nen algemeinen oetroop veure aandach op zichzelf te bringe wen me get wiltj gaon zègke

  Leef luuj, gaon v'r wiejer of drinke v'r ós hie nag eine?

• luuj/miensen heim höbbe: bezeuk höbbe
• Mit slechte luuj geit 't altied good: De waelj zitj bie de slechte luuj.
• (neet) óngere luuj kómme: väöl(/min) sociaal kóntakten höbbe
• Prakkezere doon erm luuj: Väöl zörg höbben is get veur luuj die neet riek zeen.
• sjiet ane luuj höbbe: zich nieks aantrèkke van 't oordeil van anger luuj
• sjoean luuj: luuj die aangenaam innen ómgank zeen
• Spraekendje luuj zeen te helpe: Wen me door anger luuj oete noead gehaoldj wiltj waere, mót me kalle; door te zwiege krieg me nieks vaerdig.
• 't Waer is good; wore de luuj meh baeter! = 'nen doeadmaeker es reaksje op 'n opmirking euver wie slech 't waer is

Verbuging

		inkelvaad		mieëvaad
		radikaal	liaison	radikaal	liaison
nom.	sjrif	—		luuj
	IPA	—		/lʉ̜̀:i̯/
dim.	sjrif	—		luujkes
	IPA	—		/lʉ̜̀:i̯kʲes/	/lʉ̜̀:i̯kʲez/

In anger spraoke

[1]

• Frans: gens m mv, personnes v mv
• Ingels: people^(en:) mv
• Nederlandjs: mensen mv, lieden mv, lui mv
• Pruus: Leute mv
• Spaans: gente m
• Zweeds: folk ó