Wallis en Futuna
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
Wallis en Futuna is saer 1961 'n Frans gebiedsdeil euver de zee in de Groten Oceaan, t'n naordooste van Fiji en t'n weste van Samoa. De Walliseilenj zeen verneump gewaore nao de Britsen óntdèkkingsreiziger Samuel Wallis. De houfsjtad is Matâ'utu. 't Aantal inwuners woor ruum 15.000 in 2014.
't Betrèffend gebied besjteit oet twee eilandjgruup: de Walliseilenj mit 't róndj de 100 km² grote Wallis mit e twintjigtal eilenj d'rómhaer, en de 230 wiejer zuudwestelik gelaenge zöstereilenj Futuna en Alofi. Wallis en Futuna bevindj zich kórtbie de datumgrens tösse Nuuj-Caledonië en Tahiti.
De eilenj höbbe 'n vólkanisch reliëf en deep-ingesjneje kuste die waere besjurmp door 'ne reem van riffe. De arsjipel is den ouch lestig te bereike.
't Klimaat is tropisch: werm en vochtig. De gemiddeldje temperatuur op Wallis is 27 °C en de vochtigheidsgraod bedreug 83%.
| Aafhenkelike gebejer in Oceanië |
|---|
| Amerikaans Samoa · Baker Island · Cookeilenj · Frans Polynesië · Guam · Hawaï · Howland Island · Jarvis Island · Johnston-atol · Kingmanrif · Midwayeilenj · Naordelike Mariane · Niue · Norfolkeilandj · Nuuj-Caledonië · Palmyra-atol · Paosjeilandj · Pitcairn · Tokelau · Wake · Wallis en Futuna |