Gregoriaanse zaank

Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

---

Gregoriaanse noeëtenotering, zoonder aanduiding va maot en ritme en vör èènsjtèmmige vocaal muziek

Chant messin (lat. cantilena metensis) is de oorsjpronkeleke benaming vör Gregoriaanse zaank.

't Gregoriaans waoërt neet gecomponeerd dör paus Gregorius I (540-604). De gregoriaanse muziek is waal nao höm verneumd, mae de algemèng versjpreiding d'r van dateert van 'ne ieeëw later, tiedens de Karolinger periode.

Historisch oonderzeuk dör Dom Jean Claire (1920-2006) (Abdij van Solesmes) haat oetgewaeze dat 't gregoriaans is oontsjtande in d'r 7e ieëuw in Metz, de ow hoofdsjtad van Austrasië. 't Waor Chrodegang (712-766), bisjop van Metz en sjtichter van d'r abdij van Gorze, dae d'r chant messin (dit wèlt zègke: zaank óp de meneer van Metz) töt oontwikkeling brach.

D'r chant messin waor de synthese van twieë besjtaonde liturgische repertoria: die van de Romeinse Kèrk en die van 't Gallische of Keltische christendom.

Extern leenke

• Web van de sjtad Metz
• CENTRE d'ETUDES GREGORIENNES de METZ
• Laevensloop van Dom Jean Claire

Bibliografie

• Christian-Jacques Demollière : « Quand le Chant grégorien s'appelait chant messin », beschikbaar bij C.E.G.M. en bij Offices du Tourisme de Metz et de Gorze.
• Catalogus van de tentoonstelling Archives de la Moselle 2002 (400 paginas, prijs : 15 €) bevat LE CHANT DE METZ, een nieuw artikel van C-J Demollière.