Castiliaans
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Castiliaans (Spaans) | ||
|---|---|---|
| Inheimse name: | castellano, español | |
| Gekald in: | Spanje, westelek Zuid-Amerika, Middel-Amerika, Caribisch gebeed, zuie vaan de Vereinegde Staote | |
| Classificatie: | Indo-Europees Roemaans Wes-Roemaons Iberisch Castiliaans Aajd-Castiliaans | |
| Aantal sjpraekers: | 500 miljoen vaan geboorte, zeker 100 miljoen es twiede taol | |
| Cónservatiegraod: | neet bedreig | |
| Officieel taal: | Argentinië, Bolivia, Chili, Colombia, Costa Rica, Cuba, Dominicaanse Republiek, Ecuador, El Salvador, Equatoriaal Guinee, Guatemala, Honduras, Mexico, Nicaragua, staot New Mexico, Panama, Paraguay, Peru, Puerto Rico, Spanje, Uruguay, Venezuela | |
| ISO-639-code: | es, spa, spa | |
Castiliaans (meistal Spaons/Spaans geneump) is de officieel taol vaan Spanje, en vaan väöl aander len in Latiens Amerika en inkel len in Afrika. In Spanje en Latiens Amerika is 't ouch de meist gesproke taol. Alles bijein tèlt de taol zoe'n 500 miljoen sprekers, boevaan de meiste mojertaolsprekers zien. Es me vaan taolbeheersing oetgeit is 't Castiliaans de derde wereldtaol, nao Sjinees en Ingels, meh gerekend in mojertaolsprekers is 't de twiede. Allewel bekans ederein in Arizona, VS 't Ingels beheers, is Castiliaans dao de groetste mojertaol. In Miami weurt zelfs mie Castiliaans es Ingels gesproke. Ouch in 't zuie vaan Californië en Texas bliek tot mie lui Castiliaans es mojertaol höbbe es Ingels. De term Castiliaans veur Spaons weurt gebruuk umtot in Spanje zelf ouch 't Catalaans en 't Aragonees (en natuurlek 't Baskisch) es taole erkind weure, boemèt de taol vaan Castilië laank neet 't gaanse Spaonse groondgebeed besleit.
