Drobeta-Turnu Severin
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![](http://upload.wikimedia.org/wikipedia/commons/thumb/a/aa/Turnu_Severin_Drobeta.jpg/220px-Turnu_Severin_Drobeta.jpg)
Drobeta Turnu Severin of Dobreta-Turnu Severin (Hóngaars: Szörényvár, ingekórt: Severin) is 'n stad in Roemenië. Bestuurliek vèltj de stad ónger 't distrik Mehedinţi in Oltenië. In 2004 had Dobreta-Turnu Severin zoeaget 103.000 inwoeaners. De stad lègk aan de Donau, kórtbie de Iezer Pórt.
Gesjiedenis
De stad, die oearsprónkelik Drobetae waerdje genömp dore Romeine, noom later de naam Turnu Severin ofwaal de Noeardjelike Toeare, achter 'n toeare óp de noeardjover van de Donau geboewdj door de Byzantiene, dae sting óp 'ne kleine heuvel ómrink door 'n depe grach. Kórtbie Turnu Severin zeen de rewien van de Brögk van Trajanus, de groeatste brögk in 't Romeins riek, geboewdj in 103 dore arsjitek Apollodorus van Damascus. De Donau is zoea 1.200 maeter breid óp dit pöntj. De brögk besting oet twintjig baoge óngerstäöndj door stein pilaore, allein twieë daovan zeen nag zichber bie leeg water.