Aruba
| |||
Imno: Aruba Dushi Tera | |||
![]() |
Aruba es un pais constituinte de la Rena de Nederland en la Mar Caribe sude, locada 1 600 cilometres a ueste de la Antiles Minor e 29 cilometres a norde de la costa de Venezuela. Lo mesura 32 cilometres longa de norde-ueste a sude-este e 10 cilometres traversante sua punto plu larga. Junta a Bonaire e Curasau, Aruba formi la grupo nomida como isolas ABC. La capital es Oranjestad.
La area es sirca 193 cilometres cuadrida e sua cuantia de abitores, en la anio 2007, ia es sirca 100 018 persones.
La linguas major es papiamentu 66.3%, espaniol 12.6%, engles 7.7%, nederlandes (ofisial) 5.8%, e otras 2.2% (2000).
Jeografia
Aruba es jeneral un isola plana e sin rios. Lo es locada en la parte sude de la Mar Caribe. La plaias ueste e sude ave bancos de arena blanca. Los es jeneral protejeda par corentes maral. Lo es un de las razona par cual es un atrae per turistes.
Junta a Bonaire e Curasau, Aruba forma un grupo conoseda como la isolas ABC. Tota junta, Aruba e otra isolas nederlandes en la Caribe es frecuente nomida la Caribe nederlandes.
Aruba no ave divides manejal. Per la conta de abitores, lo es divideda en oto rejiones.
Istoria
En agosto 1947, Aruba ia presenta sua Staatsreglement (constitui), per un status aparte per Aruba como un stato autonom en la Rena de Nederland. En 1954, la Constitui de la Rena de Nederland ia es instituida, furninte un strutur per relatas entre Aruba e la resta de la Rena.
En 1972, en un confere en Suriname, Betico Croes, un politiciste de Aruba, ia proposa un Comunia Nederlandes de cuatro statos: Aruba, Nederland, Suriname e la Antiles Nederlandes, cada un avente sua nasionalia propre. C. Yarzagaray, un membro de parlamento representante la AVP, ia proposa un afin la popla de Aruba ta pote eleje si los ta vole nondepende o status aparte como un stato autonom su la Corona.
Cores ia labora en Aruba per informa e prepara la popla per la nondepende. En 1976, el ia nomi un comite per eleje la bandera nasional e la imno, introduinte los como simboles de la autonomia e nondepende de Aruba. El ia eleje 1981 como la data ojeto per nondepende. En marto 1977, la referendo un per autodetermina ia es fada con la suporta de la Nasiones Unida, 82% de la partisipores ia vota per nondepende.
Antilies | model | ||
Paises autonom | Aiti | Antigua e Barbuda | Bahamas | Barbados | Cuba | Dominica | Grenada | Guadelupe | Jamaica | Martinic | Porto Rica | Republica Dominican | San Kitts e Nevis | San Lusia | Trinidad e Tobago | ||
Dependes | Anguila | Antiles Nederlandes | Aruba | Bermuda | Isola Navasa | Isolas Caiman | Isolas Virjin | Montserat | Turcs e Caicos |