Cor

Cor
Detalias
Sistem:	Sistem de sirculi
Arteria:	Aorta, tronco pulmonal e arterias pulmonal destra e sinistra, arteria destra de cor, arteria sinistra xef de cor.
Vena:	Vena cava superior, vena cava inferior, venas pulmonal destra e sinistra, vena cardial grande, vena cardial media, vena cardial peti, vena cardial anterior

La cor es un organo musculal en multe animales, cual pompi sangue tra la dutos sangual de la sistem de sirculi. La sangue furni la corpo con osijen e nurintes, e aida ance en la sutrae de dejetas metabolal. En la umanas, la cor es locada entre la pulmones, en la comparte media de la peto. En umanas, otra mamales e avias, la cor es divideda en cuatro cavetas: atrios superior destra e sinistra, e ventriculos inferior destra e sinistra. En contrasta con esta, la pexes ave du cavetas, un atrio e un ventriculo, e la retiles ave tre cavetas. En un cor sana la sangue core en un dirije tra la cor par causa de la valvas de la cor, cual preveni retroflue. La cor es encluida en un saco protejente, la pericardio, cual conteni ance un cuantia peti de fluente. La mur de la cor es composada de tre stratos: epicardio, miocardio e endocardio.

La maladias cardiovascular ia es la causa la plu comun de mori en la mundo en 2008, con 30% de moris. De estas, plu ca tre cuatris es un resulta de ataca de cor e ataca serebral. Fatores de risca es: fumi, obesia, poca eserse, colesterol alta, e diabete no controlada entre otras. Maladias cardiovascular ave frecuente no sintomes o ta pote causa dole en la peto. La diagnose de la maladias de cor es frecuente fada usante la istoria medical, escutante la sonas de la cor con un stetoscopio, ecg e ultrasona. La spesialistes ci foca a la maladias de la cor es nomida cardiolojistes, an si multe spesialis de medica pote es envolveda en la trata.

Bibliografia

• Hall, John (2011). Guyton and Hall textbook of medical physiology (ed. 12th). Philadelphia, Pa.: Saunders/Elsevier. ISBN 978-1-4160-4574-8.{{cite book}}: Manteni de CS1: data autotraduida (link)
• Longo, Dan; Fauci, Anthony; Kasper, Dennis; Hauser, Stephen; Jameson, J.; Loscalzo, Joseph (agosto 11, 2011). Harrison's Principles of Internal Medicine (ed. 18). McGraw-Hill Professional. ISBN 978-0-07-174889-6.{{cite book}}: Manteni de CS1: data autotraduida (link)
• Susan Standring; Neil R. Borley; et al., eds. (2008). Gray's anatomy : the anatomical basis of clinical practice (ed. 40th). London: Churchill Livingstone. ISBN 978-0-8089-2371-8.{{cite book}}: Manteni de CS1: data autotraduida (link)
• Nicki R. Colledge; Brian R. Walker; Stuart H. Ralston, eds. (2010). Davidson's principles and practice of medicine (ed. 21st). Edinburgh: Churchill Livingstone/Elsevier. ISBN 978-0-7020-3085-7.{{cite book}}: Manteni de CS1: data autotraduida (link)