5 Astrea

Compare de grandia: la prima des asteriodes comparente con la Luna. Astrea es la asteroide sinco de la destra.

5 Astrea es un asteroide grande en la sintur xef de la sintur de asteroides. La suprafas es multe refletante (briliante), e es cisa un misca de nicel-fero con silicatos de magnesio e fero.

Astrea ia es la asteroide sinco cual on ia descovre. Lo ia es trovada a 8 desembre 1845 par K. L. Hencke. Lo ia es la prima de sua du descovres de asteroides; la numero du ia es 6 Hebe. Esente astronomiste sola como pasatempo, Hencke ia xerca 4 Vesta cuando el ia trova Astrea con bon fortuna. La re de Prusen ia dona un salario anial de $600 (dolares en 1968) a el per la descovre.

Como un asteroide Astrea no es multe notable, ma lo ia es la asteroide sinco descovreda. Tra 38 anios on ia crede ce on ave sola 4 asteroides, asta la descovre (la descovre de Vesta ia aveni en 1807). Pos la descovre de Astrea, miles de otra asteroides ia es descovreda.