Википедия
![](http://upload.wikimedia.org/wikipedia/commons/thumb/8/80/Wikipedia-logo-v2.svg/220px-Wikipedia-logo-v2.svg.png)
Википе́дия (инг. Wikipedia, учейссар [ˌwɪkɨˈpeːdiə] ягу [ˌwɪkiˈpeːdiə]) — цинявннан кӀулсса, лечӀи-лечӀисса мазурдийсса интернет-энциклопедия тархъансса макьаларттащал, технологиярдей зузисса вики. Дуссар ва адресрей: wikipedia.org.
Сайтрал заллу — американал хасбакъасса организация «Фонд Викимедиа», мунил бур 37 бутӀа (организация). Энциклопедиялул цӀа щаллу хьуну дур, ингилис мазрейсса wiki («вики»; лавсусса гавай мазрая, мяънагу дур «анаварну») ва encyclopedia («энциклопедия»).
Википедия бувккун бур январь зуруй 2001-ку шинал, му ляхъан бувми — Джимми Уэйлс ва Ларри Сэнгер[1]. Википедия цӀанасса чӀумал бур яла хъунмамур ва цӀа дуркмур интернетрал справочник[2].
Агьамми бувчӀин бавурттейн ва чивчусса макьалардал чӀярушиврийн бувну, Википедия хъаней бур яла бувцӀумур энциклопедия инсаниятрал тарихраву.[3]. 2018-ку шинал май зуруйн бияннин Википедиялул бур 301 мазрейсса бутӀа, ва 493 мазрейми дахьва хӀасул хъанейсса. Аьмну Википедиялуву бур 40 миллионналия ливчусса макьаларду. Википедиялул интернет-сайтрал, инсантал буххаврийн бувну, дунияллий бугьлей бур 13 кӀану[4].
Агьаммур личӀишиву Википедиялул хъаней дур, дакьин дуван ва цӀусса макьала чичин шиву бюхълей бур ччима интернетравун уххейсса инсаннаща. Амма къулейшиврун зулла цӀа яни «учётная запись» чирчуну хъинссар.
Оьрус бутӀраву яла хъунмур хъаней дур Оьрус Википедия, ваниву дур 1,7 миллион макьала (октябрь зуруй 2021 шинал).
Лакрал Википедия тӀивтӀуну дур октябрь зуруй 2006-ку шинал. Ваниву дур 1,2 азарунния лирчусса макьаларду (октябр зуруй 2021 шинал). Агьаммур масъала лакку мазрейсса Википедиялул хъаней бур чансса гьурттушалт.
Адабият
[дакьин дан | аьдад дакьин дан]- Козловский С. А., Жуков Д. А., Медейко В. В., Абарников О. И., Кербуш Р. Н. Википедия. Вводный курс. Учебное пособие для студентов высших учебных заведений России / Под общ. ред. С. А. Козловского, Д. А. Жукова. Науч. и худ. ред. Н. Н. Литвинов. — М.: «Астро Дизайн», 2020. — 56 с. — 30 экз. — ISBN 978-5-9901753-4-1.
БувчӀин баву
[дакьин дан | аьдад дакьин дан]- ↑ Mike Miliard. Wikipediots: Who are these devoted, even obsessive contributors to Wikipedia? . Salt Lake City Weekly (Шаблон:TranslateDate/lbe). Дата обращения: 22 майданий 2018.
- ↑ Five-year traffic statistics for wikipedia.org . Alexa Internet. Дата обращения: 15 июлданий 2008. Архивировано 21 августрай 2011 года.
- ↑ Оьрус мазрейсса Википедиялуву бур 250 азарунния ливчусса макьалар
- ↑ How popular is wikipedia.org? . Alexa Internet.
Ссылкарду
[дакьин дан | аьдад дакьин дан]- Википедиялул агьаммур сайт (Циняв мазурдийнсса ссылкарду дуссар)