Ranger 6
Ranger 6 | |
---|---|
![]() | |
Typ | Moundsond |
Land | ![]() |
Agentur | NASA |
COSPAR-Bezeechnung | 1964-007A |
Missiounszil | Fotograféiere vum Äerdmound |
Mass | 381 kg |
Start | 30. Januar 1964 |
Startplaz | CCAFC LC-12 |
Drorakéit | Atlas-Agena-B |
Status | 2. Februar 1964; Opschlag um Äerdmound |
![](http://upload.wikimedia.org/wikipedia/commons/thumb/1/18/NASA_FACTS_Volume_2_number_6_PROJECT_RANGER_image_12.jpg/220px-NASA_FACTS_Volume_2_number_6_PROJECT_RANGER_image_12.jpg)
D'Ranger 6 war eng Raumsond vun der US-amerikanescher Raumfaartagentur NASA. Et war déi sechst Sond am Kader vum Ranger-Programm fir d'Erfuerschung vum Äerdmound an déi éischt am Block-III-Design. Well déi Sonde virdrun nëmmen en Deel vun hiren Aarbechte gemaach haten, gouf de Block-II-Design iwwerschafft. Déi wichtegst Ännerunge waren eng verbessert Konstruktioun vun de Solarzellen, d'Montage vun enger Pufferbatterie mat enger Lafzäit vun 9 Stonnen souwéi de Verzicht op d'Landekapsel mat seismologeschen Experimenter. D'Ranger 6 war 381 Kilogramm schwéier. Wéi déi fréier Missioune sollt si virum Opschlag Biller vun der Mounduewerfläch maachen an op d'Äerd senden.
Missioun
[änneren | Quelltext änneren]D'Ranger 6 war den 30. Januar 1964 u Bord vun enger Atlas-Agena-B-Rakéit vum LC-12 vun der Cape Canaveral Air Force Station gestart. Nom Erreeche vun der Parkbunn huet d'Agena-Uewerstuf frësch gezünt an d'Ranger 6 huet Kurs op de Mound geholl. Den 2. Februar 1964, 65,5 Stonnen nom Start war d'Sond um Mound opgeschloen ouni Biller geschéckt ze hunn. Warscheinlech hat e Kuerzschluss am TV-System d'Kameraen zerstéiert.
Kuckt och
[änneren | Quelltext änneren]Um Spaweck
[änneren | Quelltext änneren]Commons: Ranger Block 3 – Biller, Videoen oder Audiodateien |
- NASA:Ranger 6
- Bernd Leitenberger: D'Ranger-Moundsonden
- (en) Lunar Impact - A History of Project Ranger, Online-Versioun vun engem NASA-Buch