Quelltext vun der Säit Sozialismus weisen

{{skizzPolitik}}
[[Fichier:Juso Schweiz Demonstration gegen UBS-Boni.jpg|thumb|Sozialistesch Manifestatioun virun der [[UBS]] an der Schwäiz (2008)]]
De '''Sozialismus''' ass nieft dem [[Liberalismus]] an dem [[Konservatismus]] eng vu den dräi grousse politeschen [[Ideologie]]n, déi am [[19. Joerhonnert]] entstane sinn. Si besteet aus enger Rei vun [[Theorie]]n iwwer d'[[Ekonomie|ekonomesch]] Organisatioun, déi den ëffentlechen oder kollektive Besëtz vun de Produktiounsmëttelen viraussetzt. Zil vum Sozialismus ass et, eng Gesellschaft opzebauen an där jiddwereen déi [[Chancëgläichheet|nämmlecht Chancen a Mëttelen]] huet, an dat iwwer d'Method vun der Kompensatioun.

Eng zentral Roll spillt d'Reform vun der [[Kapitalismus|privatkapitalistescher]] Wirtschaftsuerdnung, déi de Sozialisten no op sozialen a wirtschaftlechen Ofhängegkeete baséiert.<ref name=BpB>Bundestelle für politische Bildung: [http://www.bpb.de/nachschlagen/lexika/politiklexikon/18235/sozialismus ''Sozialismus''] (gekuckt den 13. August 2016)</ref>

De Sozialismus entspréngt dem Denke vum [[Zäitalter vun der Opklärung]] an ass ënner anerem de Prinziper vun der [[Franséisch Revolutioun|Franséischer Revolutioun]] verflicht.<ref name=BpB/>

Am 18. an 19. Joerhonnert hu sech zwéin Haaptcouranten entwéckelt: den utopesche Sozialismus an de wëssenschaftleche Sozialismus:<ref>Bundestelle für politische Bildung: [https://www.bpb.de/nachschlagen/lexika/lexikon-der-wirtschaft/20648/sozialismus Sozialismus] (gekuckt de 4. Juni 2019)</ref>
* Am utopesche Sozialismus gëtt en ideale Staat duerch Opklärung an e verstännegt Handele vun alle Mënsche viséiert.
* Am [[wëssenschaftleche Sozialismus]], e Begrëff fir dem [[Karl Marx]] an dem [[Friedrich Engels]] seng Iddien duerzestellen, ass de Sozialismus den noutwendegen Ausgang vum Zesummebroch vum Kapitalismus a vum Opstand vum Proletariat. D'Gesellschaftsléier, déi zum wëssenschaftleche Sozialismus féiere soll, gëtt [[Marxismus]] genannt. Dora gëtt de Sozialismus als Etapp zum [[Kommunismus]] gesinn, also enger Gesellschaft ouni Klassen an Herrschaftssystem.

A Westeuropa si vill [[politesch Partei]]en, déi als sozialistesch Parteie gegrënnt goufen, haut ''de facto'' [[Sozialdemokratie|sozialdemokratesch]] ausgeriicht.

== Um Spaweck ==
{{Commonscat|Socialism|Sozialismus}}
{{Autoritéitskontroll}}
{{Referenzen}}

[[Kategorie:Sozialismus]]