Wilhelm Hülsemann
De Wilhelm (Guillaume) Hülsemann, gebuer den 2. Februar 1871 am Pafendall, a gestuerwen de 25. Abrëll 1921 zu Iechternach, war e kathoulesche Geeschtlechen an Auteur.[1]
Wilhelm Hülsemann | |
---|---|
Gebuer | 2. Februar 1871 |
Gestuerwen | 25. Abrëll 1921 |
Nationalitéit | Lëtzebuerg |
Aktivitéit | Schrëftsteller |
![]() |
Säi Liewen
ännerenDe Wilhelm Hülsemann ass den 10. August 1897 zum Priister geweit ginn. Hie war ee Joer laang Kaploun zu Néngsen a koum dann am September 1898 als Koadjutor an d'Iechternacher Bullett, d'Sankt-Jouseph-Pensionat. Am August 1908 ass hie Paschtouer zu Béigen ginn.[2]
Wärend dem Éischte Weltkrich huet hie sech zesumme mam Charles Schaack ëm belsch Weesekanner gekëmmert.[3] Nom Krich hunn de Schaack an den Hülsemann zousätzlech en Hëllefswierk fir Éisträich gegrënnt, bei deem den Hülsemann, grad wéi bei der Hëllef fir d'belsch Kanner, déi dreiwend Kraaft war.[4][2]
De 17. Oktober 1919 ass den Hülsemann zeréck op Iechternach komm, wou hie vun elo un Direkter vun der Bullett war.
De W. Hülsemann huet 1901 e Bichelche fir Pilger mam Titel Sankt-Willibrordus-Büchlein erausginn, wou d'Liewe vum Willibrord a Versen erzielt gëtt; donieft si Gebieder dran an e Willibrorduslidd mam Titel Im Jubel wir dich grüßen, wou den Text vum Hülsemann an d'Melodie vum Laurent Menager ass.[2] Den Hülsemann huet och nach e puer Gedichter verfaasst, déi am Joer 1900 an der Zäitschrëft Ons Hémecht ofgedréckt goufen,[5] an eng Biographie vum Laurent Menager, an eng aner vum Clausener Paschtouer Nicolas Leonardy.
Publikatiounen
änneren- Die Abtei von Echternach: zur Inauguration des St. Joseph-Pensionates in der Benediktinerabtei in Echternach. Grevenmacher: Buchdr. der Obermosel-Zeitung, 1898, 4 S.[6]
- St. Willibrord: Gedicht zur ersten Oktavfeier des Heiligen in der Diözese Luxemburg. Echternach: P. Klüsserath, 1900, 49 S.
- St. Willibrordus-Büchlein: enthaltend das Leben des Heiligen sowie besondere Gebete zu seiner Verehrung und zur Wallfahrt nach Echternach: ausserdem die gewöhnlichen christlichen Gebete / hrsg. von Wilhelm Hülsemann. Echternach: P. Klüsserath, 1901, 252 S.
- Lorenz Menager: eine biographische Skizze. Luxemburg, P. Worré-Mertens, 1902, 87 S.
- Kurzgefaßtes Lebensbild des hochw. Herrn Nikolaus Leonardy, gestorben als Pfarrer zu Clausen (Luxemburg). In: Ons Hémecht, 14(1908), S. 31-37, 66-80, 99-114. (och als Tiré à part erauskomm: Kurzgefasstes Lebensbild des hochw. Herrn Nicolaus Leonardy, gestorben als Pfarrer in Clausen (Luxemburg) / entworfen von Wilhelm Hülsemann. Luxemburg: F. Bourg-Bourger, 1908, 38 S.).
Gielchen
änneren- Chevalier vum Ordre de la couronne de chêne (Promotioun 1920)[7]
Literatur
änneren- Goetzinger, G. & C.D. Conter (2007): Luxemburger Autorenlexikon. Centre national de littérature Mersch, 687 S. (Wilhelm Hülsemann S. 280).
- Seiler, Emile, 1992. Vater der Schwachen. In: In Dei nomine Feliciter, Nr. 4 / Pfingsten 1992. Hrsg. Willibrordus-Bauverein, Echternach, S. 3 (Beilage zum Lëtzeburger Sonndesblad).
Um Spaweck
ännerenReferenzen
änneren- ↑ Beim Guy Krier (Markante Persönlichkeiten aus Pfaffenthal. In: 125 Jor Sang a Klang Pafendall. Luxembourg 1982, S. 62) steet als Stierfdag iertemlecherweis de 15. Abrëll 1921.
- ↑ 2,0 2,1 2,2 Seiler 1992.
- ↑ Kuck z. B.: Luxemburger Wort 1915, Nr. 49 (18. Februar), S. 3 (Ein Zwischenfall). [1]
- ↑ Luxemburger Wort 1925, Nr. 210 (29. Juli), S. 3 (Diekirch, 29. Juli.). [2]
Kuckt och:
Luxemburger Wort 1921, Nr. 97 (27. April), S. 1 (Herr Direktor Hülsemann †). [3]
Luxemburger Wort 1921, Extrablatt - Bericht über die Kammersitzung vom 28. April, S. 3 (Pfaffenthal, 29. April.) (Mat engem Extrait aus der “Wiener Reichspost”). [4]
Luxemburger Wort 1921, Nr. 129 (6. Juni), S. 3 (Noriff an Éisträich). [5] - ↑ Blum, Martin, 1981. Bibliographie luxembourgeoise ou catalogue raisonné de tous les ouvrages ou travaux littéraires publiés par des Luxembourgeois ou dans le Grand-Duché actuel de Luxembourg. Première partie: Les auteurs connus. Nouvelle édition, complétée, avec introduction et index analytique, par Carlo Hury. First published 1902-1932. Reprinted 1981. München, Kraus International Publications, vol. 2: M-Z, S. 480-481.
- ↑ Et handelt sech heibäi ëm en Text a Versen. Kommentéiert Extraiten dovu fënnt een am Frank Wilhelm sengem Artikel Nos professeurs écrivains, Festschrëft 150 Joër (sic) Iechternacher Kolléisch (1841-1991), Luxembourg 1992, S. 436-437.
- ↑ Memorial N°8 vun 1920 mat enger Lëscht vu Leit déi am Ordre de la couronne de chêne dekoréiert goufen