Lingua turkana
| Turko (Türkçe) | |
|---|---|
| Avlada en: | Alemania, Ostria, Beljika, Repuvlika Turkana del Norte de Kibris, Bulgaria, Fransia, Irak Rumania, Turkiya, Makedonia, Kosovo |
| Numero de avlantes: | 150 milyones |
| Ránking: | 19 |
| Klasifikasion linguistika: | Altaika Turkana |
| Status ofisial | |
| Ofisial en: | Turkiya, Repuvlika Turkana del Norte de Kibris, Kipre, Kosovo*, Makedonia**, Irak***, Rumania****
*En las munisipalidades de Prizren i Mamuša. **En las munisipalitas kon má de 20% de favlantes de Turko. ***En los distritos de Kirkuk, Mosul i Tal Afar ****Lingua minoritaria |
| Kodiches | |
| ISO 639-1 | tr |
| ISO 639-2(B) | tur, ota |
| SIL | TRK |
La lingua turkana, (Türkçe o Türk dili) o turko pertenese a la famiya linguistika de las linguas turkanas; ke es avlada desde el oksidente de Kina asta los Balkanes.
Es ofisial en Turkiya, ande se avla desde la epoka medieval, kuando los turkanos prosedentes de Asya Sentrala instalaronse en Anatolia, ke entonses era parte del Imperio Bizantino. Es ofisiyal tanbiyen en la Repuvlika Turkana del Norte de Kibris. En algunas zonas balkanikas se avla una varyedad konosida komo turko otomano (Osmanlı Türkçesi), kue se diferensiya bastante del turko moderno de Turkiya. En varios paizes de Evropa Oksidentala egzisten importantes komunidades de avlantes de turko, emigradas de la Turkiya en datas resyentes.
Es lingua ofisiala en la Turkiya i Kibris del Nord. En Kipre tambien es lingua ofisiala de la repuvlika, andjak no es uzada. En otros paezes ande no es lingua ofisiala a levelo nasyonal, es lingua ofisiala a nivel rejional, komo por enshmplo:
- Irak: Los distritos de Kirkuk, Mosul i Tal Afar
- Kosovo: Las munisipalidades de Prizren i Mamuša
- Bulgaria: Las provensiyas de Kardzhali i Razgrad
- Makedonia: Las munisipalidades de Debar, Centar Župa, Kičevo, Vraneštitsa, Mavrovo i Rostuša, Radoviš, Plasnitsa, Gostivar i Resen
Es una lingua aglutinativa ke se baza en un sistema de sufiksos e infiksos anyadidos a la raiz de las palavras ke permiten ekspresar gran kantidad de sinyifikado kon pokos biervos. La su gramatika no suele tener eksepsiyones. No egziste el jendre gramatikal.
El Turkano fue eskrito kon munchos sistemas de eskritura. Se eskriviyo kon alefbet arabo adaptados desde el syéklo XIII asta la reforma ortografika emprendida en los anyos 1920 por el govierno de Mustafa Kemal Atatürk, el kualo emprendiyo varias inisiyatikas de oksidentalizasyon del payis kon la kreensia de ke esto kontriviriya a su modernizasyon. La reforma ortografika vino akompanyada de un intento de "depurasyon" nasyonalista, es desir, de trokar la gran kantidad de prestamos linguistikos en la lingua turkana otomana (sovre todo arabes i persas) por biervos de raiz turkana, objektivo vijyente oy en diya ke no ha koseshado los egzitos esperados.
Esta regulada por la Türk Dil Kurumu (Sosyeté de la Lingua Turkana, TDK)
Egzemplo de teksto: Artikolo 1 de la Deklarasyon Universala de los Diritos Umanos
Bütün insanlar hür, haysiyet ve haklar bakımından eşit doğarlar. Akıl ve vicdana sahiptirler ve birbirlerine karşı kardeşlik zihniyeti ile hareket etmelidirler.
(Todos los benadamos nasen livres e eguales en dinyidad i derechos i, dotados komo estan de razon i konsiyensiya, deven komportarse fraternalmente los unos kon los otros. )
Atamientos eksternos
- Lisyones turkanas del vokabularyo en el Internet Polyglot
- Lisyones de turco (en inglez)
- Klase de turko. Lisyones de gramatika, vokabularyo y ekspresyones komunes.
Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.