Purim

Mishloah Manot, regalos de Purim.

La fyesta de Purim (en ivrit:פורים, Pûrîm, sortes) es un Yom Tov djudyo ke es selevrada anualmente enel 14 de Adar (o el 15 de Adar en las sivdades enmurayadas) en konmemorasyon del mirakolo relatado en el Livro de Ester en el ke los djudyos se salvaron de ser desparasiyedo basho el firman del rey persano Ahashverosh, identifikado por algunos istoriyadores komo Xerxes I, (serka 450 a.C.)

Anke Purim es uno de los diyas mas alegres del kalendario ebreo, kale azer taanit i meldar el diya anterior en rekódro de los djudios persanos, los kualos izieron taanit i arrogaron a El Dio ke los salvase de la gerra ke los yevaría a ser amortados por Amán i su armada. En Purim se melda la Megilá (en ivrit מְגִילַת אֶסְתֵּר, Megilat Ester, "Pergamino —Livro— de Ester"). La Megilá se melda pishín, i los ke estan eskuchando kale ke agan bruido con los pyés i objektos kuando el nombre de Hamán seya meldado, kon el buto de ke el su nombre seya efassado; esto aze muchiguar el entereso de los ninyos.

Dempués del taanit, en la noche de Purim, se aze una grande seudá en la kuala se beve vino i se kanta, entre eyas la tefilá yamada Shoshanat Ya'akov, la kuala munchos kantantes yisraelis i del Galut tienen gravada. Endemás, kale azer regalos a los amigos (en ivrit: מנות משלוח, Mishlóah Manot) i dar sedaká a los proves (en ivrit: לאביונים מתנות, Matanot La'evionîm) i disfrasar a los ninyos, anke munchos adultos tambien se visten kon disfrasos.

Para Purim se azen dulsurias espesialas, yamados "Orejas de Amán". Es kostumbre bever vino asta "konfondir los nombres de Amán i Mordehai".

teatro de la fyesta de Purim

Enlaces externos

• Gía de Purim (en lingua kastilyana)
• Purim, por Moshé Korin (en lingua kastilyana)
• Los alumnos hablan sobre la fiesta de Purim, emitido en Shalom el 8 de marzo de 2009 en TVE. (en lingua kastilyana)

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.

Fiestas i konmemorasiones djudias i de Medinat Yisrael Fiestas i konmemorasiones djudias Shabat  Shabat Yamim Noraim  Rosh Ashana · Taanit de Gedalia · Aseret Yemei Teshuva · Yom Kippur  Shalosh Regalim  Pesah (Mimuna) · Shavuot · Sukkot (Shemini Atzeret · Simhat Tora) Otros  Rosh Hodesh · Hanukka · Purim · Lag BaOmer · Tisha B'Av · Taanit Ester Fiestas i konmemorasiones de Medinat Yisrael Yom HaShoa · Yom A'atzmaut