ICE-T
El ICE-T es un tréno alman dezvelopado por Siemens kon teknolojiya de abokamiento, uzando endemas parte de la teknolojiya adkirida en el dezvelopamiento del ICE 3. Siemens iva dezvelopar dos klases kon apóyo de Bombardier, la klase 411 (syete arabás) i 415 (sinko arabás) para el ICE-T i endemas la klase 605 (katro arabás) para una versiyon diesel del ICE-T yamada ICE-TD, kon un disenyo interyor i eksteryor muy paresido al del ICE. Eyos ivan ser disenyados y fraguados espesialmente para el su uzo en las lineas de trénos mas antikas, ke no son aptas para prestores altos, komo las lineas en el estado alman de Turinjia. Estes trénos alkansan un maksimo prestor de 230 km/o. Un total of de 60 trénos klase 411 i 11 klase 415 an sido konstruyidos, de las ke las konstruyidas dempues de 2004 son de la dosen jenerasiyon ICE-T2, konosida en Siemens komo Venturio. La entreprisa de trénos de Austria ÖBB a adkirido 3 trénos enel anyo 2007, para operarlos en servisios entre Viena i Frankfurt, komo la klase 4011.
![](http://upload.wikimedia.org/wikipedia/commons/thumb/8/8a/ICE-T2_Deutz.jpg/250px-ICE-T2_Deutz.jpg)
Es de aser notar ke andjak DB le yama ICE-T a la klase 411/415, la T orijinalmente no signifika tilting (abokante), sino Triebwagen (arabá de pasajeros), déke konsideraban ke el su prestor maksimo iva ser muy basho para agruparlos dentro de la marka InterCityExpress i es por este ke planearon yamas esta klase IC-T (InterCity-Triebwagen). En kuanto a la serie ICE-TD, se espera uzarlas en la linea Amburgo-Kopenhage