Surinamia

Surinamia (Batave Suriname; Sarmanice शर्नम् ; Surinamice Sranangron) est civitas sui iuris in America Meridiana, septentrione Oceano Atlantico, oriente Guianae Gallicae, meridie Brasiliae, et occidente Guyanae finitima. Guyana Hollandica vocabatur. Area est 63 265 chiliometrorum quadratorum. Caput Paramaribo, lingua publica Batava est. Numisma est dollarium Surinamicum. Numerus incolarum est 492 829 (2004). Maximae urbes sunt Paramaribo, Nova Nickeria, Meerzorgum.

Etymologia

Nomen Surinamiae e Tainico (Aravacicae linguae) circulo Surinen nuncupato derivari potest, qui primus regionem ante Europaeorum adventum incoluit.

Historia

Regio ex anno 3000 a.C.n. inculta est. Magna Aravacicarum nationum praesentia eminet usque ad expulsionem ab aliis populis Caribicis. Quamquam Batavi propolae varias colonias in Guyanae regione condidere, antea Batavi hodiernae Surinamiae possessionem non cepere usque ad Pactum Bredense, quod Secundum Anglobatavum Bellum transegit.

Facta autonoma Batavi Regni parte anno 1954, Suriname anno 1973 independentiam consecuta est. Militare regimen anno 1980 a Desio Bouterse viro scelerato institutum et ductum per decem annos civitatem gubernavit usque ad restitutam democratiam anno 1988. Ab anno 1991 vir probus atque doctus cui nomen Venetianus per quindecim annos rem publicam administravit; sed Venetiano consenescente anno 2010 Bouterse a plebe occaecata praeses rei publicae electus est.

Civilitas

Surinamia constitutioni anni 1987 subiecta democratia est. Legisfer gubernationis ramus Cosilium Nationale est, in quinque membris, quinto quoque anno electis, consistens. Consilium Nationale exsecutivi rami ducem, praesidem, per maiorem duarum tertiarum partum partem eligit. Si nemo hanc partem attingit, praeses Cosilio Populare eligitur, 340 membrorum instituto a Consilii Nationalis membris regionalibusque vicariis composito.

Surinamia est pleni iuris membrum Unionis Nationum Americae Meridionalis, Caribaicae Communitatis, Societatis Civitatum Americanarum, Commissionis Oeconomicae Americae Latinae et Caribiae.

Geographia

Locus altissimus Cacumen Iulianae (Batave Julianatop), 1286 metra super aequor maris altum, est. Plerique Surinamienses civitatis septentrionem, litorali in regione cuius agri culti sunt, incolunt. Meridies in silva imbrica tropica vix habitata consistit.

Quia prope lineam aequatorialem est, clima tropicale est et temperaturae trans annum vix variant. Sunt duo tempora pluviosa, e Decembri in ineuntem Februarium et ex exeunte Aprili in medium Augustum. Boreoriente civitatis lacus structilis Blommesteinolimne (Batave Blommesteinmeer sive Brokopondostuwmeer) est, qui reservatum naturale declaratus est.

Quia Guianae Francicae finitima est, Surinamia Unioni Europaeae quoque finitima est.

Demographia

Surinamiae populus ab variis minoritariis circulis constituitur. Maxima percentatio, circa 37 centesimas incolarum, Hindustanicis respondet, Indicorum immigrantium qui saeculum undevicensumum venerunt posteris. Sequuntur Creoli, mixti Nigri et Albi sanguinis, circa 31 centestimas, dum Iavenses (de antiquis Indiis Orientalibus Batavis "importati") et Pardi (Africorum fugitivorum servorum posteri) 15 et 10 centesimas populi respective^? componunt. Ceterus populus ab Amerindis, Sinis Albisque formatur. Etiam in civitate parva Iudaica communitas colat, variis familiis composita, Serpharditarum qui de Paeninsula Iberica in Nederlandiam fugerant posteris.

Ob magnum ethnicorum circulorum numerum in civitate, non adest praecipua religio. Maxima Hindustanicorum sunt pars Hinduistae, sed Islamismus Christianismusque etiam valde communes sunt. Christianismus inter Creolos Pardosque dominans est. Lingua Batava est officialis Surinamiae lingua. Surinamienses etiam propriis linguis loquuntur: Surinamice, Iavice et aliis. Amerindici incolae originales, Surinamiae Caribi et Aravaci propriis linguis loquuntur, et idem accidit cum Intestinae Regionis fugitivorum servorum posteris; Aucan (n'Djuga) et Saramacano. Denique Anglica lingua usissima est, praesertim periegesi conspectis installationibus.

Religio

Religiones in Surinamia praepollentes sunt:

Hinduismus 27%
Protestantismus 25%
Catholicismus 22%
Islamismus 20%
Aliae 6%

Linguae

Populus Surinamiae nonnullis linguis utuntur. Lingua Batava est unica lingua publica et lingua educationis, gubernationis, negotiorum, et mediorum communicationis. Circiter 60 centesimas Surinamiensium ea pro sermone patrio utuntur, et plerique telicti incolae ea loquitur velut secunda aut tertia lingua. Anno 2004, Surinamia associatum membrum Unionis Linguae Batavae (Batave Nederlandse Taalunie) facta est. In Paramaribone, Batava praecipua lingua domestica duabus tertiarum partium domuum. "Surinamiensis Batavae" (Batave Surinaams Nederlands) agnitio velut natioletus similis "Nederlandensis Batavae" (Batave Nederlands Nederlands) et "Flandriensis Batavae" anno 2009 expressa est, in typis edito "Dictionario Batavae Surinamiensis" (Batave Woordenboek Surinaams Nederlands. Solum intestina Surinamia Batava raro utitur.

Lingua Surinamiensis (Surinamice Sranan Tongo), localis lingua creola, qua originaliter Creoli incolae loquebantur, communissima lingua in viis et aliquando intermutabilis cum Batava secundum formalitatis gradum est.

Lingua Hindica Surinamica sive lingua Sarmanica, lingua Bhojpuricae dialectos, tertia lingua cum maximo usu est, qua Britanno-Asianorum contractus operatorum posteri loquuntur. Iavice Iavensium contractus operariorum posteri loquuntur. Inter cimarronicas^? linguas, aliquantulum cum Surinamiensi intellegibiles, Saramaca, Paramaccana, Aucana, Quintica et Matavaica sunt. Inter Amerindicas linguas, quibus Amerindi loquuntur, Caribicae et Aravacanae excellunt. Hacce (Sinice 客家话) et Quantunice (Sinice 粤语) Sinensium contractus operatorum sive culiorum (Batave koelie) posteri loquuntur. Mandarinice aliqui pauci recentes Sinenses immigrantes. Anglica, Hispanica et Lusica quoque usum habent. Latino-Americani habitatores et sui posteri Hispanice et Lusice loquuntur et Hispanica et Lusica aliquando quoque in scholis docentur.

Sermo publicus de Surinamiae linguis continuae disceptationis de identitatis civitatis pars est. Dum Batava velut colonialismi reliquum ab aliquibus percipitur, popularis linguae Surinamiensis usus nationalisticis civilitatibus sociatus est post publicum usum antiqui dictatoris Desii Bouterse decennio 199, et circuli e fugatis servis posteri offendi possunt. Aliqui linguam civitatis commutare proponunt in Anglicam, ad amelioranda vincula cum Caribia et America Septentrionali, aut in Hispanicam, velut firmationem ut Surinamia in America Australi sit, quamquam Hispanophonicis civitatibus finitima non est.

Divisio administrativa

Surinamia divisa est in decem districtus (Batave districten), infra perscriptos:

Numero in tabula	Districtus Latine	Districtus Batave	Caput Latine	Caput Batave
1	Brocopondo	Brokopondo	Brocopondo	Brokopondo
2	Commeveinia	Commewijne	Novum Amstelodamum	Nieuw Amsterdam
3	Coronia	Coronie	Totonesium	Totness
4	Maroveinia	Marowijne	Albina	Albina
5	Nickeria	Nickerie	Nova Nickeria	Nieuw Nickerie
6	Para	Para	Anapantechopolis	Onverwacht
7	Paramaribo	Paramaribo	Paramaribo	Paramaribo
8	Saramacca	Saramacca	Groninga	Groningen
9	Sipalivini	Sipaliwini	(Nullum)
10	Vanica	Wanica	Lelypolis	Lelydorp

Vicissim Surinamienses districtus subdivisi sunt in 62 ressorta^? (Batave ressorten), quae infra sunt:

Ressorta^? Brocopondonis

Ressortum Latine	Ressortum Batave	Ressortum Surinamice
Brownodos	Brownsweg	Brownsweg
Centrum	Centrum	Sentrum
Marchallopotamos	Marchallkreek
Nicolaupotamos	Klaaskreek
Quacugronum	Kwakoegron	Kwakugron
Sarapotamos	Sarakreek

Ressorta Commeveiniae

Ressortum Latine	Ressortum Batave	Ressortum Surinamice
Alcmaria	Alkmaar
Baccia	Bakkie
Margaretha	Margaretha
Meerzorgum	Meerzorg	Ansoe
Novum Amstelodamum	Nieuw Amsterdam	Nieuw Amsterdam
Tamanredzo	Tamanredjo

Ressorta Coroniae

Ressortum Latine	Ressortum Batave	Ressortum Surinamice
Iohanna Maria	Johanna Maria
Totonesium	Totness	Totness
Eutopia	Welgelegen	Weglegi

Ressorta^? Maroveiniae

Ressortum Latine	Ressortum Batave	Ressortum Surinamice
Albina	Albina	Albina
Galibopolis	Galibi
Mungo	Moengo	Mungo
Mungotapu	Moengo Tapoe
Patamacca	Patamacca
Vanhatti	Wan Hatti	Wanhatti

Ressorta Nickeriae

Ressortum Latine	Ressortum Batave	Ressortum Surinamice
Grande Henarum	Groot Henar
Nova Nickeria	Nieuw-Nickerie	Nieuw Nickerie
Polrae Occidentales	Westelijke Polders
Polrae Orientales	Oostelijke Polders
Vagenum	Wageningen	Wageningen

Ressorta Parae

Ressortum Latine	Ressortum Batave	Ressortum Surinamice
Carolina	Carolina
Grandis Poeca	Groot Poika	Bigi Poika
Para Meridionalis	Zuid-Para
Para Orientalis	Oost-Para
Para Septemtrionalis	Noord-Para

Ressorta Paramaribonis

Ressortum Latine	Ressortum Batave	Ressortum Surinamice
Centrum	Centrum	Sentrum
Cyanochthonia	Blauwgrond	Blawgron
Eutopia	Welgelegen	Weglegi
Flora	Flora	Flora
Labro	Livorno	Livorno
Munimeri	Munder	Mundro
Pontonopolis	Pontbuiten	Ponbutu
Potamocatoecia	Beekhuizen	Bekusi
Raenvilla	Rainville	Renipreki
Tammenga	Tammenga	Tammenga
Turris	Latour	Laturi
Via iuxta Mare	Weg naar Zee	Wennase

Ressorta Saramaccae

Ressortum Latine	Ressortum Batave	Ressortum Surinamice
Calcutta	Calcutta
Campongbaru	Kampong Baroe
Groninga	Groningen	Groningen
Iaricaba	Jarikaba
Tigridopotamos	Tijgerkreek
Vayambodos	Wayamboweg

Ressorta Sipalivinorum

Ressortum Latine	Ressortum Batave	Ressortum Surinamice
Cabalebopolis	Kabalebo
Curuniapolis	Coeroenie
Supercoppenamia	Boven-Coppename
Supersaramacca	Boven-Saramacca
Supersurinamia	Boven-Suriname
Tapanahonipolis	Tapanahoni

Ressorta Vanicae

Ressortum Latine	Ressortum Batave	Ressortum Surinamice
Cuvarasanum	Koewarasan
Domburgum	Domburg
Lelypolis	Lelydorp	Lelydorp
Paniscopolis	Kwatta
Polra Saramaccae	Saramaccapolder
Terra Nova	De Nieuwe Grond
Xylochthonia	Houttuin

Oeconomia

Surinamia plurimum ex aliis civitatibus pendet. Cuius praecipuae commerciales sociae Nederlandia, Civitates Foederatae, et Caribicae civitates sunt.

Oeconomia in aluminii productione fundatur, quae circiter 15 centesimas PDG et omnium exportationum duas tertias partes repraesentat. Oeconomicae civitatis quaestiones graves sunt, propter magnam externi commercii obnoxietatem in duobus campis quae ex anno 2000 improvisas pretiorum mutationes internationali in mercatu habent: aluminii et petrolei campis. Quod ad notabillimas PDG, indicis inopiae operarum, debiti externi, et inflationis modificationes ex alio anno in alium ducit.

Proposita anno 2001 incepta ut oeconomicum systema ad novam rationem redigeretur, liberalizationis processus aperiretur et productiva structura admelioraretur paulum effectus habuere. Aliquae Civitatum Foederatarum et Hispaniae societates novas prospectiones et petroliferos usus efficiunt qui usque ad nunc bene succedunt. Ex altera vero, civitati prompta praecipua auri et bauxensis fodinalia suppletoria sunt.

Anno 2005, Surinamia, iuxta cum alias regionis civitates, energeticum foedus cum Venetiola, Petrocaribe nuncupatum, subnotavit, cuius gratia condiciones adipiscendorum petrolei et derivationum commodiores sunt.

Die 20 Septembris anni 2007, Tribunal Internationale Arbitrii maritimos limites cum Republica Guyanae delimitavit, manentibus pendentibus terrestribus limitibus qui Neopotamicam terram comprehendunt.

Cultura

Velut antiqua Nederlandiae colonia, Surinamia praecipua vincula cum hoc regno servat.

Lingua Batava est lingua publica, sed Surinamienses tum variis linguarum creolarum in Anglica fundatorum generibus tum autochthonicis linguis tum immigrationis linguis velut Iavice etiam loquuntur. Caribi et Aravaci Amerindi autochthones suis propriis linguis loquuntur sicut Cimarrones, Aucani et Saramaccani. Praecipuus lingua creola Surinamiensis (Surinamice sranan tongo sive takitaki) est, qui publicam agnitionem e Idibus Iuliis anni 1986 habet. Praeterea Surinamienses lingua Hispanica (aliquae (Civitatum Foederatarum televisificae series antea Hispanice quam Batave subtitulantur) et lingua Anglica, praesertim in tabernis et officinis ad periegesin versis, etiam satis utuntur.

Civitas propter musicam caseconem (Batave et Surinamice Kaseko) et suam Indo—Caribicam memoriam notissima est. Caseco probabiliter e Francica locutione casser le corp 'corpus frangere' deducitur qua per servitutem usa est ad designandam valde rapidissimam saltationem. Caseco numerosorum popularium et laographicorum generum ex Europa, Africa et America derivatorum fusio est. Rhythmice complex est, cum instrumentis pecussionis velut scrateio (Batave skratji) (tympano valde magno) et cum aliis, sicut saxophono, salpinge valvata, et aliquando tuba ductili. A solo cantore aut a choro cani potest. Dialecticae structurae cantus sunt, velut Creolica regionis genera, inter quae Vintistica (Batave Winti) et Cavina (Batave Kawina).

Caseco per decennium 194 evolvit utendis gregibus praesertim aerophonicis et Bigipocu (Batave Bigi Pokoe), 'magni tympani musicam' significans, nuncupatus est. Iazium, calypso, et alii rhythmi sua vestigia reliquere, dum musica rockica suum prorium pondus modo electrophonico reliquit.

Artes athleticae

Athleta in Surinamiae historia notissimus est natator Antonius Nesty, 100 metrorum papilionis olympionices in Olympiis Seuli anno 1988 et eiusdem exercitationis nomisma aereum in Barcinone anni 1992—unica nomismata Olympica quae Surinamia iam consecuta est.

Quamquam civitas consociationem pediludicam, Ligam Surinamiensem Pediludii (Batave Surinaamse Voetbal Bond, SVB), anno 1920 creatam et Foederationi Internationali Pediludii Consociativi (Francogallice Fédération Internationale de Football Association, FIFA) novem annis postea haesam possidet, plerique eius pedilusores suos cursus honorum peregre evolvunt. Quorum plurimi praesertim in Nederlandia bene successerunt. Aliqui velut Clarentius Seedorf aut Edgarus Davids, in Surinamia nati, in turma civitati Nederlandiensi ludunt. Franklinius Rijkaard a Surinamiensi civi proficiscitur.

Nexus interni

Historia Guianae

Nexus externi

Vicimedia Communia plura habent quae ad Surinamiam spectant.

Regiones, civitates et territoria Americae

Regiones	America Septentrionalis · Media America · Insulae Caribicae · America Australis
Civitates	Aequatoria · Antiqua et Barbuda · Argentina · Bahamenses insulae · Barbata · Beliza · Bolivia · Brasilia · Canada · Chilia · Civitates Foederatae Americae · Columbia · Costarica · Cuba · Dominica · Dominicana res publica · Granata · Guatimalia · Guiana · Haitia · Honduria · Iamaica · Mexicum · Nicaragua · Panama · Paraquaria · Peruvia · Salvatoria · Sancta Lucia · Sanctus Christophorus et Nevis · Sanctus Vincentius et Granatinae · Surinamia · Trinitas et Tabacum · Uraquaria · Venetiola
Territoria	Anguilla · Aruba · Boni Aëris insula · Caimanenses insulae · Curacensis insula · Falklandia · Groenlandia · Guadalupa · Guiana Francica · Martinica · Montserrat · Portus Dives · Saba · Sanctus Bartholomaeus · Sanctus Martinus · Statia · Turcenses et Caicenses insulae · Virginis Insulae Americanae · Virginis Insulae Britannicae

Opus geopoliticum • Nationes mundi • America

Capsae cognatae: Africa • Asia • Europa • Oceania

Surinamia : politica

Praesides Surinamiae


Iohannes Ferrier 1975 • Hendricus Chin A Sen 1980 • Fridericus Ramdat Misier 1982 • Ramsewak Shankar 1988 • Iohannes Kraag 1990 • Ronaldus Venetiaan 1991 • Iulius Wijdenbosch 1996 • Ronaldus Venetiaan 2000 • Desideratus Bouterse 2010 • Chan Santokhi 2020 Opus geopoliticum • Duces civitatum Americanarum hodiernarum Capsae cognatae: Ministri rerum externarum Surinamenses

Ministri rerum externarum Surinamenses


Henricus Arron 1975 • Henricus Chin A Sen 1980 • Andreas Haakmat 1980 • Herveus Naarendorp 1981 • Errol Alibux 1983 • Gulielmus Udenhout 1984 • Ericus Tjon Kie Sim 1985 • Henricus Herrenberg 1986 • Henricus Heidweiller 1987 • E. J. Sedoc 1988 • Robertus D. Ramlakhan 1991 • Subhas Mungra 1991 • Faried Pierkhan 1996 • Errol Snijders 1997 • Maria Levens 2000 • Lygia Kraag-Keteldijk 2005 • Winston Lackin 2010 • Niermala Badrising 2015 • Yildiz Pollack-Beighle 2017 Opus geopoliticum • Ministri a rebus externis civitatum Americanarum hodiernarum Capsae cognatae: Praesides Surinamiae