Pelecanus occidentalis
![](http://upload.wikimedia.org/wikipedia/commons/thumb/5/51/Brown_Pelican21K.jpg/240px-Brown_Pelican21K.jpg)
Ordo : Pelecaniformes
Familia : Pelecanidae
Genus : Pelecanus
Species : Pelecanus occidentalis
![](http://upload.wikimedia.org/wikipedia/commons/thumb/b/bd/Distribution_Map_Brown_Pelican_%28Pelecanus_occidentalis%29.png/240px-Distribution_Map_Brown_Pelican_%28Pelecanus_occidentalis%29.png)
Pelecanus occidentalis est avis aquatica Americae Septentrionalis familiae Pelecanidarum, una e tribus speciebus pelecanorum in America repertis et una e binis quae in aquam praeceps desiliens vescitur. Secundum litus Atlanticum a Nova Scotia trans Mare Caribicum ad ostium fluminis Amazonum, et secundum litus Pacificum a Columbia Britannica ad Tsiliam septentrionalem invenitur, insulis Galapagensibus non exceptis.
Longitudo est ad 1.4 [[metrum}metra]], longitudo alarum a 2 ad 2.3 m, pondus a 3.6 ad 4.5 chiliogrammata.[1] Minimus pelecanus est.[2] Sunt quinque subspecies.
Pelecanus occidentalis plerumque piscibus, sed aliquando amphibiis, crustaceis, et ovis pullisque vescitur. Coloniis in regionibus seclusis nidificat, saepe in insulis, in terra holitaria inter thinia, in frutectis fruticum et arborum, et in paludinibus rhizophoracearum.
Anno 1903, Theodorus Roosevelt, praeses Civitatum Foederatarum, Insulam Pelecanorum in Florida primum Refugium Vitae Ferae Nationale designavit, praecipue ad speciem a venatoribus protegendam.
Notae
[recensere | fontem recensere]- ↑ "BrownPelican". Endangered Species Program information sheet. US Fish & Wildlife Service. November 2009.
- ↑ Ridgely, Robert S.; Gwynne, John A. (1992). A Guide to the Birds of Panama: With Costa Rica, Nicaragua, and Honduras. Princetoniae Novae Caesareae: Princeton University Press. p. 63. ISBN 0691025126.
Nexus externi
[recensere | fontem recensere]![]() |
Vicimedia Communia plura habent quae ad Pelecanum occidentalem spectant. |
![]() |
Vide "Pelecanum occidentalem" apud Vicispecies. |
![]() |
Situs scientifici: • ITIS • NCBI • Biodiversity • Encyclopedia of Life • IUCN Red List • WoRMS: Marine Species • Fossilworks • INPN France |
- Field Guide. Flickr.