Fretum Beringianum
![](http://upload.wikimedia.org/wikipedia/commons/thumb/1/16/Bering_Strait.jpeg/200px-Bering_Strait.jpeg)
Fretum Beringianum[1] vel Beringii[2][3] (Anglice Bering Strait; Russice Берингов пролив, tr. Beringov proliv; Yupik Imakpik) est fretum maritimum inter promunturium Dezhnevii districtus autonomi Tschucotici Russiae, orientalissimum (169°43' occidentalis) continentis Asiae locum, et Caput Principis Walliae Alascae Civitatum Foederatarum, occidentalissimum (168°05' occidentalis) continentis Americae Septentrionalis locum, in latitudine circa 65°40' septentrionalis patens, aliquantulum ad meridiem circuli polaris situm. Fretum mare Tschukotense et mare Beringianum coniungit. Insulae Diomedis in parte freti septentrionali iacent et insula sancti Laurentii[4] in parte australi.
![](http://upload.wikimedia.org/wikipedia/commons/thumb/1/11/Peters_projection%2C_date_line_in_Bering_strait.svg/200px-Peters_projection%2C_date_line_in_Bering_strait.svg.png)
A Symeone Dezhnev inventum est, sed ab expeditione Viti Beringii nomen cepit. Finis inter Russiam et Alascam in freto a Civitatibus Foederatis ad 168°58'37" occidentalem ponitur. Linea commutationis diei per fretum Beringianum inter Insulas Diomedis transit. Nomen freti et maris aliquando apud libros vetustiores litteris Behringianum appellatur.
![](http://upload.wikimedia.org/wikipedia/commons/thumb/5/57/US_NOAA_nautical_chart_of_Bering_Strait.png/200px-US_NOAA_nautical_chart_of_Bering_Strait.png)
Notae
[recensere | fontem recensere]- ↑ "ad fretum Beringianum" (p. 47 apud Google Books)
- ↑ "littora circum Fretum Beringii tam Americana quam Asiatica" (p. 379 apud Google Books)
- ↑ "P. Oudemansii ... Ins. Novaja Semlja et ad fretum Beringi et Turkestania": p. 231
- ↑ Adelberti de Chamissonis et Diederici de Schlechtendal(de) Insulae et littora Arctica cis et trans fretum Beringianum, in: Linnaea, 1826, 1, p. 4.
Bibliographia
[recensere | fontem recensere]- Oliver, James A. 2006, 2007. The Bering Strait Crossing. Information Architects. ISBN 0-9546995-6-4.
![](http://upload.wikimedia.org/wikipedia/commons/thumb/c/c6/Diomede_Islands_Bering_Sea_Jul_2006.jpg/300px-Diomede_Islands_Bering_Sea_Jul_2006.jpg)
Nexus externi
[recensere | fontem recensere]![]() |
Vicimedia Communia plura habent quae ad Fretum Beringianum spectant. |
- Pellicula PBS de insula sancti Laurentii in freto Beringiano
- Russia Plans World's Longest Undersea Tunnel, apud DailyTech (24 Aprilis 2007)