Cancer e capsicis

Cancer e capsicis^[1] seu potius Scylla serrata e capsicis (Anglice chilli crab; Sinice 辣椒螃蟹 la jiao pang xie) est ferculum Singapurense, ab anno 1956 inter cibos viarios venditatum, liquaminibus e lycopersicis capsicisque in embammata adiunctis. Cher Yam Tian maritusque Lim Choo Ngee, qui primum invenerunt, mox popinam Palm Beach Seafood condiderunt, ubi hodie usque hoc ferculum proponitur, sed recentius et in aliis popinis multis infertur. Convivae ope manum, non instrumentorum, prehendere solent. Denuo praeceptis mutatis scyllae ex iure lycopersicorum capsicorumque praefriguntur, tortis mantou saepissime ad ius sumendum appositis. Chilli crab tam in Singapura quam in Malaesia inter fercula nationalia vindicatur.

Notae

↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

Bibliographia

Chew Hui Min, "Mud crab supply in Singapore drying up because of bad weather and increased demand" in Straits Times (10 Aprilis 2017)
Neo Xiaoyun, "Eating chilli crab in the Anthropocene: nature, culture and care" in Matthew Schneider-Mayerson, ed., Eating Chilli Crab in the Anthropocene: Environmental Perspectives on Life in Singapore (Singapurae: Ethos Books, 2020) pp. 19-40

Nexus externi

Daniel Ang, "16 Unique Chilli Crab Inspired Food In Singapore – From Chilli Crab Ramen, Risotto, Xiao Long Bao To Ice Cream" (21 Iulii 2019) apud Daniel Food Diary
Damien Lim, Valerie Chew, "Chilli Crab" apud Singapore Infopedia
"Singapore Day 2011 special hawker: Dragon Phoenix Restaurant" apud Overseas Singaporean

[1] Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.

[1]