Opfikon
| Signum | |
|---|---|
 | |
| Notatiae elementi | |
| Pago: | Turici |
| Provincia: | Pulliaci |
| Ambitus: | 5.61km² |
| Populatio: | 12779 (fine anni Domini 2005) |
| Pars Helvetiae ab: | Saeculo 15 |
| Lingua: | Alamannica |
| Pagina domestica: | www.opfikon.ch |
| Tabula | |
 | |
Opfikon [ˈʔɔpfɪkχoːn] (lingua indigena: [ˈopfikχə]) est municipium Helveticum in pagi Turici provincia Pulliaci.
Cum vicus Glattbrugg (Pons Glattis), qui municipio continetur, valde creverit, municipium omne nunc volgo saepe Opfikon-Glattbrugg vocatur.
De Situ
Opfikon situs est in valle Glattis regione inferiore Turici ab urbe spectans ad aquilonem; aeroportum Turici propinquom est. Territorii locus infimus municipalis 420.4 m super aequore maris in confinio Rumilangensi, locus summus 481 m super aequore in silva Hardis est. Areae municipalis, quae 5.61 km² tegit, 37% fert domos, 17.6% aedificiis contegitur commeatus, 27% fundus est colendus, 17% silvae, 1.2% aquae sunt.
De nominis origine
Nomen Opfikonis est derivatus a hominis nomine *Opfo, cui suffixum est in pagis Turici saepe inventus Argoviaeque et Lucernae -(i)kon/-(i)ken. Ejusdem suffixi forma -(i)kofen in Thurgovia late et in Helvetiae occidentalis hac parte, quae gentibus germane loquentibus inhabitatur, reperitur, ex quo id parte -ing-, quae ‚apud satellites nominati’ significat, parteque -hofum, quae germani nominis ‚fundi’ dativus localis pluralis est, compositum esse intellegimus.