Tiryns

Tiryns^[1] (Graece Τίρυνς) fuit urbs antiqua Graeciae in Argolide, non longe ab urbe Argis in nomo hodierno Argolidis sita. Homerus eam Τίρυνθα τειχιόεσσαν, "Tiryntha muratam", appellat.^[2] Etenim ruinae murorum "Cyclopeorum" tempore Pausaniae secundo saeculo adhuc conspicua erant cum iamdiu (inter 479 et 460 a.C.n.) urbs ab Argivis deleta esset et eius incolae ad urbes vicinas augendas transvecti^[3].

Notae

↑ Tīryns, f., gen. -nthis vel -nthos, sed in scriptis antiquis Latinis tantum acc. Tiryntha et abl. Tiryntha vel -nthe reperiuntur.
↑ Homerus, Ilias 2.559.
↑ Strabo VIII.373. Pausanias VIII.27.1 et II.25.8